Job 29:1-25
29 Intuloy ni Job ti panagsaona:*
2 “No la koma maisublik dagiti naglabas a bulan,Kadagidi aldaw a bambantayannak ti Dios;
3 Idi pinagraniagna ti silawna iti ulok,Idi linawaganna ti nasipnget a pagpagnaak,+
4 Idi* kapigpigsaak pay laeng,Idi a ti pannakigayyem iti Dios ti nangbendision iti pagtaengak,+
5 Idi adda pay laeng kaniak ti Mannakabalin-amin,Idi adda pay laeng dagiti annakko* iti aglawlawko,
6 Idi aglaplapusanan ti mantekilia kadagiti papanak,Ken idi a ti dadakkel a bato ket nangyayus iti nagadu a lana para kaniak.+
7 No rummuarak idi iti ruangan ti siudad,+Ken agtugawak iti plasa,+
8 Makitadak dagiti agtutubo a lallaki ket agpaigidda,*Tumakder uray dagiti lallakay ken agtalinaedda a nakatakder.+
9 Isardeng dagiti prinsipe ti agsao,Apputenda dagiti ngiwatda.
10 Agulimek dagiti prominente a tattao;Dimket ti dilada iti ngadasda.*
11 Asinoman a makakita ken makangngeg idi kaniak,Nagsayaat ti maibagada maipapan kaniak.
12 Ta tultulongak idi dagiti napanglaw nga agpakpakaasi,+Agraman ti awanan ama nga ubing ken ti asinoman nga awan pagpatulonganna.+
13 Bendisionandak idi dagidiay agrigrigat,+Ken pinaragsakko ti puso dagiti balo a babbai.+
14 Kanayon a nalinteg dagiti aramidko.Ken kanayon a maitunos iti hustisia ti amin a desisionko.
15 Nagbalinak a mata dagiti bulsekKen saka dagiti pilay.
16 Siak idi ti ama dagiti napanglaw;+Tultulongak idi dagiti diak am-ammo tapno magun-odanda ti hustisia.+
17 Parparek idi ti panga dagiti managdakdakes,+Ken isalakanko dagiti biktimada.
18 Ibagbagak idi, ‘Matayakto iti uneg ti balayko,*+Ket kas iti darat ti kaadunto dagiti aldawko.
19 Agwarasto dagiti ramutko agingga iti kadanuman,Ket agpatnagto a malinlinnaawan dagiti sangak.
20 Kanayon a maipadpadayagak,Ken kanayonto a maibiat ti panak.’
21 Padpadaanandak idi dagiti tattao tapno dumngegda kaniak,Agul-ulimekda nga agur-uray iti pammagbagak.+
22 Kalpasan ti panagsaok, awanen ti mainayonda;Dagiti ibagak ket nakalamlamuyot a sumrek* iti lapayagda.
23 Inur-uraydak a kas iti mannalon nga agur-uray iti tudo;Nagngangada tapno mainumda ti saok a kas iti panangagsep ti daga iti naladaw a tudo.+
24 Saanda a namnamaen nga isemak ida;Ti naragsak a rupak ti nangpapigsa iti pakinakemda.*
25 Insurok ti rumbeng nga aramidenda kas pannakauloda,Ken nagbiagak a kas iti ari iti tengnga dagiti soldadona,+Kas iti mangliwliwa kadagiti agladladingit.+
Footnotes
^ Lit., “proverbiona.”
^ Lit., “Kadagidi aldaw a.”
^ Wenno “katulongak.”
^ Lit., “aglemmengda.”
^ Wenno “dawatdawatda.”
^ Lit., “umokko.”
^ Lit., “nga agtedted.”
^ Wenno mabalin a, “Saanda a pinasipnget ti lawag ti rupak.”
