Job 17:1-16
17 “Agsalogen ti pigsak, agpatinggan dagiti al-aldawko;Ur-urayennakon ti tanem.+
2 Pinalikmutandak dagiti manguy-uyaw,+Ket makitkitak* ti kinarebeliosoda.
3 Pangngaasim ta awatem ti itedko a kolateral ket idulinmo dayta.
Asinonto pay ti makialamano kaniak ken manggarantia kaniak?+
4 Ta pinagbalinmo a saan a mannakaawat ti pusoda;+Isu a saanmo nga intan-ok ida.
5 Mabalin nga ibingayanna dagiti gagayyemna,Idinto ta agsipngeten ti panagkita dagiti annakna gapu iti bisin.
6 Pinagbalinnak a pagkakatawaan* dagiti tattao,+Ket tuptupraanda ti rupak.+
7 Simmipnget ti panagkitak gapu iti panagladingitko,+Ken amin a paset ti bagik ket anniniwan.
8 Dagiti nalinteg ket masmasdaaw iti daytoy,Ken mariribukan dagiti inosente gapu kadagiti rebelioso.*
9 Ti nalinteg ket agtultuloy iti nalinteg a panagbiagna,+Ken pumigpigsa daydiay nadalus dagiti imana.+
10 Ngem mabalinyo amin ti umay ken itultuloydak a kontraen,Ta awan ti nasarakak a masirib kadakayo.+
11 Nagpatinggan dagiti aldawko;+Nadadaelen dagiti planok ken arapaapko.+
12 Pagbalbalinenda nga aldaw ti rabii,Ibagbagada, ‘Masapul nga asideg ti lawag gapu ta nasipnget.’
13 No agurayak, ti Tanem* ti agbalinto a pagtaengak;+Iti kasipngetan ti pangyaplagakto iti pagiddaak.+
14 Ibagakto iti abut,*+ ‘Sika ti amak!’
Ken iti igges, ‘Sika ti inak ken kabsatko a babai!’
15 Ayanna ngarud ti namnamak?+
Asino ti mangpanunot nga adda pay namnamak?
16 Bumabanto dayta* kadagiti rehas a ruangan ti Tanem*Inton umulogtayo amin iti tapok.”+
Footnotes
^ Wenno “pampanunotek.”
^ Lit., “proverbio.”
^ Wenno “apostata.”
^ Wenno “tanem.”
^ Kayatna a sawen, ti namnamak.
