Job 10:1-22
10 “Karurodko ti biagko.+
Ibagak dagiti reklamok.
Agsaoak gapu iti nakaro a rigatko!*
2 Ibagakto iti Dios: ‘Dinak ideklara a nakabasol.
Ibagam kaniak no apay a konkontraennak.
3 Adda aya maganabmo iti panangirurumenmo,Iti pananglaismo iti inaramid dagiti imam,+Idinto ta pabpaboram ti balakad dagiti managdakdakes?
4 Kasla kadi iti mata ti tao dagita matam,Wenno kumitkitaka kadi a kas iti panagkita ti tao?
5 Kas kadi kadagiti aldaw ti tao dagiti aldawmo,Wenno kas kadi kadagiti tawen ti tao dagiti tawenmo,+
6 Tapno birokem ti kamalikKen kanayon a siputam ti basolko?+
7 Ammom a saanak a nakabasol;+Ken awan ti makaisalakan kaniak ita imam.+
8 Dagiti mismo nga imam ti nangsukog ken nangaramid kaniak,+Ngem ita, mamimpinsanen a dadaelennak.
9 Pangngaasim ta lagipem nga inaramidnak iti pila,+Ngem ita, pagsubliennakon iti tapok.+
10 Saan aya nga imbukboknak a kas iti gatasKen pinagbalaynak a kas iti keso?
11 Pinagkakamangmo dagiti tulang ken pennetko,Binungonnak iti kudil ken lasag.+
12 Inikkannak iti biag ken impakitam ti napudno nga ayatmo;Babaen ti panangaywanmo, sinaluadam ti biagko.*+
13 Ngem inlimedmo ti panggepmo a mangaramid kadagitoy.*
Ammok a sika ti paggapgapuanda.
14 Makitkitam no adda naaramidko a basol,+Ket saanmo nga absueltuen ti basolko.
15 Kaasiak pay no nakabasolak!
Ken uray no inosenteak, nakadumogak latta,+Nakaro ti pannakaibabain ken rigatko.+
16 No tumangadak, anupennak a kas iti leon,+Ket ipakitam manen nga awan gawayko iti pannakabalinmo.
17 Mangalaka kadagiti baro a testigo kontra kaniak,Ken rubrobam ti pungtotmo kaniak,Ket agtutupatop a rigat ti dumteng kaniak.
18 Apay pay laeng nga inruarnak iti aanakan ni inak?+
Natayak la koman sakbay nga adda nakakita kaniak.
19 Manipud iti aanakan, naideretsoak la koman iti tanem,Tapno kasla saanakon a naitao.’
20 Saan aya a manmano dagiti aldawko?+ O Dios, baybay-annak koman;Dinak koman kitkitaen tapno mabang-aranak met bassit*+
21 Sakbay a mapanak—a saanakton nga agsubli+—Iti kasisipngetan a lugar.*+
22 Iti daga ti nakaro a kinasipnget,Iti ayan ti nangisit nga anniniwan ken kinaawan urnos,Nga uray ti lawag ket nakasipsipnget.”
Footnotes
^ Wenno “gapu iti sakit ti nakemko!”
^ Wenno “espirituk; angesko.”
^ Lit., “Ket inlemmengmo ita pusom dagitoy a banag.”
^ Wenno “agragsakak met bassit.”
^ Wenno “kinasipnget ken anniniwan ni patay.”
