Isaias 3:1-26
3 Ta ti pudno nga Apo, ni Jehova a panguluen dagiti armada,Ikkatenna iti Jerusalem ken Juda ti aniaman a suporta ken suplay,Amin a suplay a tinapay ken danum,+
2 Nabileg a lalaki ken mannakigubat,Ukom ken propeta,+ mammuyon ken panglakayen,
3 Panguluen ti 50,+ mararaem, ken mamalbalakad,Eksperto a salamangkero ken nalaing nga engkantador.+
4 Pagbalinekto a prinsipeda dagiti ubbing a lallaki,Ket iturayanto ida dagiti agbaliwbaliw ti panunotna.*
5 Agpipinnarigatto dagiti tattao,Parigatento ti maysa ti padana a tao.+
Dangranto ti ubing ti lakay,Ken sukirento ti nanumo daydiay mararaem.+
6 Iggamanto ti tunggal maysa ti kabsatna iti balay ni amana, sa ibagana:
“Adda kagaymo—sika ti agbalin a komandermi.
Sika ti makaammo iti daytoy nadadael a lugar.”
7 Ngem agprotestanto iti dayta nga aldaw:
“Saan a siak ti mangbedbed iti sugatyo;*Awan ti makan wenno bado iti balayko.
Saandak a pagbalinen a komander dagiti umili.”
8 Ta naitibkol ti Jerusalem,Ken naabak ti Juda,Gapu ta busbusorenda ni Jehova iti sao ken aramidda;Saanda a kayat ti agpaituray iti nadayag a sanguananna.*+
9 Ti langada ti agtestigo maibusor kadakuada,Ket ipakaammoda ti basolda kas iti Sodoma;+Saanda nga inlemmeng dayta.
Kaasida pay, ta diddidigraenda ti bagida!
10 Ibagayo kadagiti nalinteg a naimbagto ti pagbanaganda;Magunggonaandanto gapu iti aramidda.*+
11 Kaasi pay daydiay dakes!
Madidigranto,Ta sagabaennanto ti inaramidna!
12 Abusado dagiti mangidadaulo iti ilik nga agtrabaho,Ken iturturayan ida ti babbai.
Dakayo nga umilik, iyaw-awandakayo dagiti lideryo,Ken itawtawda dagiti dalanyo.+
13 Nakasagana ni Jehova a mangibaga iti darumna;Agtaktakder tapno ibagana ti sentensiana kadagiti umili.
14 Ukomento ni Jehova dagiti panglakayen ken prinsipe ti ilina.
“Pinuoranyo ti kaubasan,Ket adda iti balayyo dagiti tinakawyo kadagiti napanglaw.+
15 Nagturedkayo la ketdin a mangirurumen iti ilikKen mangimameg iti rupa dagiti napanglaw iti daga!”+ imbaga ti Kangatuan* nga Apo, ni Jehova a panguluen dagiti armada.
16 Kinuna ni Jehova: “Gapu ta natangsit ti annak a babbai ti Sion,Magmagnada a nakangato ti timidda,*Manggargari dagiti matada, agtiltil-ayda,Nga agkilingkiling dagiti pulseras iti sakada,
17 Paggaddilento met ni Jehova ti ulo dagiti annak a babbai ti Sion,Ket pagkalbuento ni Jehova ti uloda.+
18 Iti dayta nga aldaw, ikkatento ni Jehova ti amin nga arkosda:Dagiti pulseras, bedbed ti ulo, ken dagiti sinanbulan nga arkosda,+
19 Dagiti aritos,* pulseras, ken abbong ti ulo,
20 Dagiti dalungdong, pulseras ti saka, ken naarkosan a barikes,Pagkargaan ti bangbanglo* ken anting-anting,*
21 Dagiti singsing ti ramay ken agong,
22 Dagiti espesial a nagayad a bado, makinruar a bado, kagay, ken pitaka,
23 Dagiti pagsarmingan+ ken lienso a bado,*Dagiti turbante ken abbong ti ulo.
24 Imbes a lana ti balsamo,+ nabuyok nga angot;Imbes a sinturon, tali;Imbes a napintas nga urnos ti buok, panagkalbo;+Imbes a nangina a bado, nakersang a lupot;+Ken tato imbes a kinapintas.
25 Mapapatayto dagiti lallakim iti espada,Ken dagiti nabileg a lallakim iti gubat.+
26 Agsangit ken agladingitto dagiti ruangan ti siudadna,+Ket agdalupisakto iti napanawan a daga.”+
Footnotes
^ Wenno “saan a makadesision.”
^ Wenno “mangngagasyo.”
^ Lit., “iti nadayag a matana.”
^ Lit., “Kanendanto ti bunga dagiti aramidda.”
^ Wenno “Soberano.”
^ Lit., “a nakaunnat ti tengngedda (karabukobda).”
^ Wenno “bitinbitin.”
^ Lit., “Dagiti balay ti kararua.”
^ Wenno “shell nga arkos nga agkilingkiling.”
^ Wenno “makin-uneg a bado.”
