Deuteronomio 33:1-29
33 Daytoy ti bendision nga imbaga ni Moises nga adipen ti pudno a Dios kadagiti Israelita sakbay ti ipapatayna.+
2 Kinunana:
“Immay ni Jehova a naggapu idiay Sinai,+Ket nagraniag kadakuada manipud Seir.
Nagsilnag ti dayagna manipud kabambantayan ti Paran,+Kaduana ti pinullo a ribu a nasantuan nga anghelna,+Ket adda iti kannawanna dagiti mannakigubatna.+
3 Ipatpategna ti ilina;+Adda iti imana dagitoy a nasantuan.+
Nakatugawda kadagiti sakam;+Dumdumngegda kadagiti saom.+
4 (Imbilin ni Moises a tungpalentayo ti linteg,+Kas sanikua ti kaputotan* ni Jacob.)+
5 Nagbalin ti Dios nga ari iti Jesurun,*+Idi naguummong dagiti pannakaulo dagiti tattao,+Agraman ti amin a tribu ti Israel.+
6 Agbiag koma ni Ruben ken saan a matay,+Saan koma met a bumassit dagiti tattaona.”+
7 Imbagana daytoy a bendision ken Juda:+
“Denggem, O Jehova, ti timek ni Juda,+Ket isublim koma kadagiti kailianna.
Dagiti takiagna ti nangidepensa* kadagiti kukuana,Ket tulongam koma a mangabak kadagiti kalabanna.”+
8 Kinunana maipapan ken Levi:+
“Ti Tummim ken Urimmo*+ ket kukua ti tao a napudno kenka,+A sinubokmo idiay Massa.+
Rinugiam ti makilaban kenkuana iti asideg ti danum ti Meriba,+
9 Ti tao a nagkuna iti ama ken inana, ‘Awan ti respetok kadakayo.’
Saanna a binigbig uray dagiti kakabsatna,+Ken tinallikudanna dagiti annakna.
Ta nagtulnogda iti saom,Ken tinungpalda ti tulagmo.+
10 Isuroda koma ken Jacob dagiti pangngeddengmo+Ken iti Israel dagiti Lintegmo.+
Mangidatonda koma iti insienso a makaay-ayo kenka* ti banglona+Ken iti sibubukel a daton iti altarmo.+
11 O Jehova, bendisionam ti pigsana,Ken pakaragsakam koma dagiti aramid ti imana.
Tukkolem ti saka* dagiti bumusor kenkuana,Tapno saanen a lumaban dagidiay manggura kenkuana.”
12 Kinunana maipapan ken Benjamin:+
“Natalgedto iti sibay ni Jehova daydiay ipatpategna;Bayat a salsalinonganna iti intero nga aldaw,Agnaedto iti nagbaetan dagiti abagana.”
13 Kinunana maipapan ken Jose:+
“Bendisionan koma ni Jehova ti dagana+Iti nasayaat a bambanag ti langit,Iti linnaaw ken danum ti ubbog,+
14 Iti nasayaat a bambanag a patubuen ti init,Ken iti nasayaat nga apit iti kada bulan,+
15 Iti nasayaat a bambanag nga agtaud iti bambantay*+Ken iti nasayaat a bambanag kadagiti nabayagen a turod,
16 Ken iti nasayaat a bambanag ti daga ken dagiti linaonna,+Ken iti parabur Daydiay nagparang iti siitan a bassit a kayo.+
Maikabilda koma iti ulo ni Jose,Iti rabaw ti ulo daydiay napili manipud kadagiti kakabsatna.+
17 Ti kinadaegna ket kas iti inauna a kalakian a baka,Ken dagiti sarana ket kas kadagiti sara ti atap a baka.
Usarennanto ida a mangiduron* kadagiti tattaoA sangsangkamaysa agingga iti ungto ti daga.
Isuda ti pinullo a ribu ni Efraim,+Ken isuda ti rinibu ni Manases.”
18 Kinunana maipapan ken Zabulon:+
“Agragsakka iti iruruarmo, O Zabulon,Ken agragsakka kadagiti toldam, O Isacar.+
19 Awisendanto dagiti tattao iti bantay.
Ipaaydanto sadiay dagiti daton maitunos iti kinalinteg.
Alaendanto* ti adu a kinabaknang iti baybayKen kadagiti nalmeng a gameng iti darat.”
20 Kinunana maipapan ken Gad:+
“Mabendisionan koma daydiay mangpalpalawa kadagiti pagpatinggaan ni Gad.+
Agidda a kas iti leon,Nakasagana a manglapgis iti takiag, wen, iti ulo.
21 Piliennanto ti umuna a bingay,+Ta nairanta kenkuana ti bingay ti mangipapaay iti linteg.+
Aguummongto dagiti pannakaulo dagiti tattao.
Ipakatnanto ti kinalinteg ni Jehova,Ken ti pangngeddengna iti Israel.”
22 Kinunana maipapan ken Dan:+
“Ni Dan ket kas iti urbon a leon.+
Lumagtonto manipud Basan.”+
23 Kinunana maipapan ken Neftali:+
“Napnek ni Neftali iti paraburKen napno iti bendision ni Jehova.
Tagikuaem ti laud ken abagatan.”
24 Kinunana maipapan ken Aser:+
“Nabendisionan ni Aser iti adu nga annak.
Maragsakan koma kenkuana dagiti kakabsatna,Ken isawsawna* koma ti sakana iti lana.
25 Landok ken gambang dagiti trangka ti ruanganmo,+Ken natalgedkanto iti amin nga aldawmo.*
26 Awan ti kapada ti pudno a Dios+ ti Jesurun,+Nga agsakay a lumasat iti langit tapno tulongannakaKen agsakay kadagiti ulep iti kinadayagna.+
27 Ti Dios ket pagkamangan manipud pay idi un-unana,+Sarapaennaka ti agnanayon a takiagna.+
Ket papanawennanto ti kabusor iti sanguanam,+Ken ibagananto, ‘Ibusem ida!’+
28 Natalgedto ti Israel,Agmaymaysanto ti ubbog ni JacobIti daga ti bukbukel ken baro nga arak,+Nga agtedted iti linnaaw ti tangatangna.+
29 Agragsakka, O Israel!+
Asino ti kapadam,+Maysa nga ili nga isalsalakan ni Jehova,+Ti mangsalaknib a kalasagmo+Ken ti nadayag nga espadam?
Mabutbutengto nga umay kenka dagiti kabusormo,+Ken payatemto ti bukotda.”*
Footnotes
^ Lit., “kongregasion.”
^ Kaipapananna, “Daydiay Nalinteg,” maysa a nadayaw a titulo para iti Israel.
^ Wenno “nakiranget para.”
^ Wenno “Tummim ken Urim ti Dios.”
^ Lit., “iti agongmo.”
^ Wenno “padingpading.”
^ Wenno mabalin a, “bambantay iti daya.”
^ Wenno “mangsangdo.”
^ Lit., “Susopendanto.”
^ Wenno “idigosna.”
^ Lit., “Ken ti pigsam ket kaslanto kadagiti aldawmo.”
^ Wenno mabalin a, “nangato a dissoda.”
