Salmo 61:1-8
Iti mangiwanwanwan kadagiti pagtokar nga adda kuerdasna. Ni David.
61 Denggem, O Dios, ti agpakpakaasi nga ikkisko.+Ipangagmo ti kararagko.+
2 Manipud iti ungto ti daga umkisakto, kenka a mismo, inton kumapsut ti pusok.+Agturong iti bato a nangatngato ngem siak idalannak koma.+
3 Ta nagbalinka a kamang maipaay kaniak,+Maysa a nalagda a torre iti sanguanan ti kabusor.+
4 Maysaakto a sangaili iti toldam kadagiti tiempo a di nakedngan;+Agkamangakto iti talimeng dagiti payakmo.+ Selah.
5 Ta sika, O Dios, immimdengka kadagiti karik.+Intedmo kaniak ti sanikua dagidiay agbuteng iti naganmo.+
6 Al-aldaw inayonmonto iti al-aldaw ti ari;+Ti tawtawenna kasladanto iti kinapkaputotan.+
7 Isu agnaedto agingga iti tiempo a di nakedngan iti sanguanan ti Dios;+O mangitudingka iti naayat a kinamanangngaasi ken kinapudno, tapno isu saluadan koma dagitoy.+
8 Iti kasta mangipaayakto iti samiweng iti naganmo iti agnanayon,+Tapno matungpalko dagiti karik iti inaldaw-aldaw.+
