Salmo 49:1-20
Iti mangiwanwanwan. Ti annak ni Kore.+ Samiweng.
49 Denggenyo daytoy, dakayo amin nga ili.Umimdengkayo, dakayo amin nga agnanaed iti sistema ti bambanag,+
2 Dakayo nga annak ti sangatauan kasta met dakayo nga annak ti tao,Agpadpada a sika a nabaknang ken sika a napanglaw.+
3 Ti bukodko a ngiwat agsaonto iti bambanag ti kinasirib,+Ket ti panagmennamenna ti pusok maipapanto iti bambanag ti pannakaawat.+
4 Iti proverbio nga ebkas iyallingagkonto ti lapayagko;+Iti arpa luktakto ti burburtiak.+
5 Apay koma nga agbutengak iti al-aldaw ti dakes,+Inton ti mismo a biddut dagiti mananggamsaw kaniak liklikmutendak?+
6 Dagidiay agtaltalek iti sanikuada a pagbiag,+Ken agpaspasindayag maipapan iti kinaruay ti kinabaknangda,+
7 Awan maysa kadakuada ti makabalin iti aniaman a pamay-an a mangsubbot uray pay iti maysa a kabsat,+Wenno uray mangted iti Dios iti subbot maipaay kenkuana;
8 (Ket ti gatad ti pannubbot ti kararuada napateg unay+Iti kasta simmardeng dayta agingga iti tiempo a di nakedngan)
9 Tapno isu kaskasdi nga agbiag iti agnanayon ket saanna a makita ti abut.+
10 Ta makitana nga uray pay dagidiay masirib matayda,+Agpadpada a daydiay maag ken daydiay awan nakemna mapukawda,+Ket masapul nga ibatida iti sabsabali dagiti sanikuada a pagbiag.+
11 Ti makin-uneg a tarigagayda ket dagiti balayda agingga koma iti tiempo a di nakedngan,+Dagiti tabernakuloda agingga iti kinapkaputotan.+Pinanagananda dagiti sanikuada a daga iti nagnaganda.+
12 Ket kaskasdi ti naindagaan a tao, nupay maidaydayaw, saan a makapagtultuloy nga agtaeng;+Isu pudno a mayasping kadagiti animal a nadadaelen.+
13 Daytoy ti dalan dagidiay addaan iti kinamaag,+Ken dagidiay sumursurot kadakuada isuda a maragsakan kadagiti mismo a balikasda. Selah.
14 Kas karnero naitudingda iti mismo a Sheol;+Ni met laeng patay ipastorannanto ida;+Ket iti bigat pagpasakupento ida dagidiay napalungdo,+Ket sigurado nga agrunot dagiti langada;+Ti Sheol imbes a ti nangato a pagyanan isu ti agpaay iti tunggal maysa.+
15 Nupay kasta, ti met laeng Dios subbotennanto ti kararuak manipud iti ima ti Sheol,+Ta isu awatennakto. Selah.
16 Dika agbuteng gapu ta ti maysa a tao makagun-od iti kinabaknang,+Gapu ta ti dayag ti balayna umadu,+
17 Ta iti ipapatayna saan a pulos makaitugot iti aniaman a banag;+Ti dayagna saanto a bumaba a kumuyog kenkuana.+
18 Ta bayat ti panagbiagna binembendisionanna ti bukodna a kararua;+(Ket dagiti tattao idayawdakanto agsipud ta agaramidka iti naimbag maipaay iti bagim)+
19 Ti kararuana iti kamaudianan dumteng laeng agingga iti kaputotan dagidi ammana.+Saandanton a pulos makita ti lawag.+
20 Ti naindagaan a tao, nupay maidaydayaw, a saan a makaawat,+Pudno a mayasping kadagiti animal a nadadaelen.+
