Salmo 44:1-26
Iti mangiwanwanwan. Ti annak ni Kore.+ Maskil.
44 O Dios, nangngegmi kadagiti lapayagmi,Imbinsabinsa kadakami dagidi mismo nga ammami+Ti aramid nga inaramidmo idi al-aldawda,+Idi al-aldaw ti nabayagen a tiempo.+
2 Sika babaen iti imam pinagtalawmo uray pay dagiti nasion,+Ket immulam ketdi ida.+Binurakburakmo dagiti nasional a bunggoy ket pinapanawmo ida.+
3 Ta saan a babaen iti bukodda a kampilan a tinagikuada ti daga,+Ket saan a ti bukodda a takiag ti nangyeg kadakuada ti pannakaisalakan.+No di ket ti makannawan nga imam ken ti takiagmo+ ken ti lawag ti rupam,Agsipud ta nagragsakam ida.+
4 Sika ti Arik, O Dios.+Ibilinmo ti naindaklan a pannakaisalakan maipaay ken Jacob.+
5 Babaen kenka iduronminto dagiti mismo a kalabanmi;+Iti naganmo ibaddebaddekminto dagidiay tumakder a bumusor kadakami.+
6 Ta saan nga iti baik a nagtaltalekak+Ket saan a ti kampilanko ti nangisalakan kaniak.+
7 Ta insalakannakami kadagiti kalabanmi,+Ket ibabainmo dagidiay nakaro ti pananggurada kadakami.+
8 Iti Dios mangidatonkaminto iti panagdayaw iti intero nga agmalem,+Ket agingga iti tiempo a di nakedngan idayawminto ti naganmo.+ Selah.
9 Ngem ita inwaksim ken ipabpababanakami,+Ket saanka a kumuyog kadagiti buyotmi.+
10 Pagsansanudennakami manipud iti kalaban,+Ket dagidiay mismo a nakaro ti pananggurada kadakami nagkamkamda maipaay iti bagbagida.+
11 Iyawatnakami a kas karnero, kas banag a makan,+Ket iti tengnga dagiti nasion inwarawaranakami.+
12 Ti ilim inlakom nga awan a pulos baybayadna,+Ket saanka a bimmaknang babaen iti nakagatadanda.
13 Ikabilnakami kas um-umsien dagiti kaarrubami,+Uy-uyawen ken lalaisen dagidiay adda iti isuamin nga aglawlawmi.+
14 Ikabilnakami kas maysa a pagkukuna a proverbio iti tengnga dagiti nasion,+Maysa a pagwingiwingan ti ulo iti tengnga dagiti nasional a bunggoy.+
15 Iti intero nga agmalem adda iti sanguanak ti pannakaipababak,Ket ti pakaibabainan ti bukodko a rupa inabbongannak,+
16 Maigapu iti timek daydiay mangum-umsi ken agsasao a sibabassawang,Gapu iti kabusor ken daydiay mangar-aramid iti panagibalesna.+
17 Isuamin daytoy ti dimteng kadakami, ket saandaka a linipatan,+Ket saankami a nagtignay a siuulbod iti tulagmo.+
18 Ti pusomi saan a timmallikud nga awanan pammati,+Dagiti addangmi saan met a sumiasi iti danam.+
19 Ta rinumeknakami iti lugar dagiti chacal,+Ket abbongannakami iti napuskol a kinasipnget.+
20 No linipatanmi ti nagan ti Diosmi,Wenno iyukradmi dagiti dakulapmi iti ganggannaet a dios,+
21 Saan aya a sukimatento daytoy ti mismo a Dios?+Ta ammona dagiti palimed ti puso.+
22 Ngem maipagapu kenka napapataykami iti intero nga agmalem;Naibilangkami a kas karnero a maparti.+
23 Bumangonka. Apay nga agtultuloyka a maturog, O Jehova?+Agriingka. Dika itultuloy ti agiwaksi iti agnanayon.+
24 Apay nga ilinglingedmo ti mismo a rupam?Apay a lipatem ti pannakaparigatmi ken pannakairurumenmi?+
25 Ta ti kararuami nagrukob agingga iti mismo a tapok;+Ti tianmi dimket iti mismo a daga.
26 Tumakderka a tumulong kadakami+Ket subbotennakami maipagapu iti naayat a kinamanangngaasim.+
