Salmo 141:1-10
Samiweng ni David.
141 O Jehova, immawagak kenka.+Agganatka nga umay kaniak.+Umimdengka iti timekko inton umawagak kenka.+
2 Ti kararagko maisagana koma kas insienso+ iti sanguanam,+Ti panangitag-ay kadagiti dakulapko kas ti daton a bukbukel iti rabii.+
3 Mangisaadka iti agbantay, O Jehova, iti ngiwatko;+Mangisaadka iti agsiput iti ruangan dagiti bibigko.+
4 Dika pagannayasen ti pusok iti aniaman a dakes,+Tapno agaramid iti agdindinamag nga ar-aramid iti kinadangkes+A kadua dagiti tattao nga agar-aramid iti makapasakit,+Tapno saanko koma a pakanen ti bagik kadagiti agkakaimas a taraonda.+
5 No kabilennak koma daydiay nalinteg, maysa dayta a naayat a kinamanangngaasi;+Ket no tubngarennak koma, lana dayta iti ulo,+A saan a kayat a pagkedkedan ti ulok.+Ta kaskasdi nga adda pay laeng ti kararagko bayat dagiti pannakadidigrada.+
6 Dagiti ukomda naibarsak kadagiti igid ti napasdok a bato,+Ngem nangngegda dagiti sasaok, a makaay-ayoda.+
7 Kas no ti maysa ar-aramidenna ti panangpisi ken panangbisngay iti daga,Dagiti tulangtayo naiwarawarada iti wangawangan ti Sheol.+
8 Nupay kasta, situturong kenka dagiti matak,+ O Jehova a Soberano nga Apo.+Kenka nagkamangak.+Dika iparukpok ti kararuak.+
9 Iyadayonak kadagiti pananggemgem ti palab-og nga impakatda kaniak+Ken kadagiti silo dagidiay agar-aramid iti makapasakit.+
10 Dagiti nadangkes matnagdanto amin a sangsangkamaysa kadagiti bukodda nga iket,+Idinto ta siak, iti biangko, lumabasak.
