Salmo 103:1-22
Ni David.
103 Bendituem ni Jehova, O kararuak,+Uray ti isuamin nga adda iti unegko, ti nasantuan a naganna.+
2 Bendituem ni Jehova, O kararuak,Ket dika lipaten dagiti amin nga aramidna,+
3 Isuna a mangpakpakawan iti isuamin a biddutmo,+A mangpapaimbag kadagiti amin a sakitmo,+
4 A mangbawbawi iti biagmo manipud iti mismo nga abut,+A mangkorkorona kenka iti naayat a kinamanangngaasi ken as-asi,+
5 A ti intero a panagbiagmo pempennekenna iti naimbag;+Ti met laeng kinaagtutubom agtultuloy nga agpabaro a kas iti panagpabaro ti maysa nga agila.+
6 Ni Jehova mangipakpakat kadagiti aramid ti kinalinteg+Ken kadagiti hudisial a pangngeddeng maipaay kadagidiay amin a masasaur.+
7 Impakaammona ti daldalanna ken Moises,+Dagiti pannakilangenna uray pay iti annak ti Israel.+
8 Ni Jehova naasi ken managparabur,+Nabannayat nga agunget ken naruay iti naayat a kinamanangngaasi.+
9 Saanto a kanayon nga agsapsapul iti biddut,+Saanto met nga agtultuloy a maluksaw agingga iti tiempo a di nakedngan.+
10 Saanna nga inaramid kadatayo ti mismo a maitutop kadagiti basoltayo;+Saanna met nga inyeg kadatayo ti maikari kadatayo sigun kadagiti bidduttayo.+
11 Ta kas iti langlangit nangatngatoda ngem ti daga,+Ti naayat a kinamanangngaasina nangatngato a maipaay kadagidiay agbuteng kenkuana.+
12 Kas iti kaadayo ti leleggakan ti init manipud iti lelennekan ti init,+Kasta ti kaadayona manipud kadatayo ti nangikabilanna kadagiti salungasingtayo.+
13 Kas iti maysa nga ama mangipakita iti asi iti annakna,+Ni Jehova nangipakita iti asi kadagidiay agbuteng kenkuana.+
14 Ta pagaammona unay ti pannakapormatayo,+A laglagipenna a tapoktayo.+
15 No maipapan iti mortal a tao, ti al-aldawna kasla iti al-aldaw ti berde a ruot;+Kas iti sabong iti tay-ak ti wagas a panagrangpayana.+
16 Ta angin laeng ti kasapulan a lumabas iti dayta, ket awanen;+Ket saanton a bigbigen dayta ti dissona.+
17 Ngem ti naayat a kinamanangngaasi ni Jehova ket manipud tiempo a di nakedngan agingga a mismo iti tiempo a di nakedngan+Maipaay kadagidiay agbuteng kenkuana,+Ken ti kinalintegna iti annak ti annak,+
18 Maipaay kadagidiay mangsalsalimetmet iti tulagna+Ken maipaay kadagidiay manglaglagip kadagiti bilinna tapno itungpalda ida.+
19 Ni met laeng Jehova impasdekna a sititibker ti tronona iti mismo a langlangit;+Ket ti bukodna a kinaari nangdominar iti ngatuen ti isuamin.+
20 Bendituenyo ni Jehova, O dakayo nga anghelna,+ a nabileg iti pannakabalin, a mangitungtungpal iti saona,+Babaen iti panagimdeng iti timek ti saona.+
21 Bendituenyo ni Jehova, dakayo amin a buybuyotna,+Dakayo a ministrona, nga agar-aramid iti pagayatanna.+
22 Bendituenyo ni Jehova, dakayo amin nga ar-aramidna,+Kadagiti amin a lugar ti pagturayanna.+Bendituem ni Jehova, O kararuak.+
