Nehemias 12:1-47
12 Ket dagitoy ti papadi ken dagiti Levita a nakipagsang-at kada Zorobabel+ nga anak ni Sealtiel+ ken Jesua:+ da Seraias, Jeremias, Esdras,
2 Amarias,+ Malluc, Hattus,
3 Secanias, Rehum, Meremot,
4 Iddo, Ginnetoi, Abias,
5 Mijamin, Maadias, Bilga,
6 Semaias,+ ken Joiarib, Jedaias,+
7 Sallu, Amoc,+ Hilkias, Jedaias.+ Dagitoy dagiti pannakaulo ti papadi ken ti kakabsatda idi kaaldawan ni Jesua.+
8 Ket dagiti Levita isu idi da Jesua,+ Binui,+ Cadmiel,+ Serebias, Juda, Matanias,+ nga agay-aywan iti panangipaay kadagiti panagyaman, isu ken ti kakabsatna.
9 Ket da Bacbukias ken Unni a kakabsatda addada iti batogda kadagiti panagannong kas guardia.
10 Ni met laeng Jesua isu ti ama ni Joiaquim,+ ket ni Joiaquim a mismo isu ti ama ni Eliasib,+ ket ni Eliasib isu ti ama ni Joiada.+
11 Ket ni met laeng Joiada isu ti ama ni Jonatan, ket ni met laeng Jonatan isu ti ama ni Jaddua.+
12 Ket iti kaaldawan ni Joiaquim adda idi papadi, dagiti pannakaulo iti balbalay dagiti amma:+ maipaay ken Seraias,+ ni Meraias; maipaay ken Jeremias, ni Hananias;
13 maipaay ken Esdras,+ ni Mesullam; maipaay ken Amarias, ni Jehohanan;
14 maipaay ken Malluki, ni Jonatan; maipaay ken Sebanias,+ ni Jose;
15 maipaay ken Harim,+ ni Adna; maipaay ken Meraiot, ni Helcai;
16 maipaay ken Iddo, ni Zacarias; maipaay ken Ginneton, ni Mesullam;
17 maipaay ken Abias,+ ni Zicri; maipaay ken Miniamin, ——; maipaay ken Moadias, ni Piltai;
18 maipaay ken Bilga,+ ni Sammua; maipaay ken Semaias, ni Jehonatan;
19 ket maipaay ken Joiarib, ni Matenai; maipaay ken Jedaias,+ ni Uzzi;
20 maipaay ken Sallai, ni Callai; maipaay ken Amoc, ni Eber;
21 maipaay ken Hilkias, ni Hasabias; maipaay ken Jedaias,+ ni Netanel.
22 Dagiti Levita idi kaaldawan da Eliasib,+ Joiada+ ken Johanan ken Jaddua+ nailanadda kas pannakaulo iti balbalay dagiti amma, kasta met ti papadi, agingga iti panagari ni Dario a Persiano.
23 Ti annak ni Levi kas pannakaulo iti balbalay dagiti amma+ nailanadda iti libro ti paspasamak dagiti tiempo, agingga a mismo iti al-aldaw ni Johanan nga anak ni Eliasib.
24 Ket dagiti pannakaulo dagiti Levita isu idi da Hasabias, Serebias+ ken Jesua nga anak ni Cadmiel+ ken ti kakabsatda nga adda iti batogda a mangidaton iti panagdayaw ken mangipaay kadagiti panagyaman maitunos iti bilin+ ni David a lalaki ti pudno a Dios, guardia a bunggoy a maitupag iti guardia a bunggoy.
25 Da Matanias+ ken Bacbukias, Abdias, Mesullam, Talmon, Accub+ isuda ti agbambantay kas agay-aywan iti ruangan,+ maysa a guardia a bunggoy iti sibay dagiti pagipempenan idiay ruruangan.
26 Adda dagitoy idi kaaldawan ni Joiaquim+ nga anak ni Jesua+ nga anak ni Jozadac+ ken idi kaaldawan ni Nehemias+ a gobernador ken ni Esdras+ a padi, ti managkopia.+
27 Ket iti inagurasion+ ti pader ti Jerusalem sinapulda dagiti Levita, tapno iruarda ida manipud kadagiti amin a lugarda nga agturong idiay Jerusalem tapno mangaramidda iti inagurasion ken panagrag-o buyogen a mismo dagiti panagyaman+ ken buyogen ti kanta,+ dagiti piangpiang ken dagiti pagtokar nga adda kuerdasna+ ken buyogen dagiti arpa.+
28 Ket ti annak dagiti kumakanta naguurnongda manipud a mismo iti Distrito,+ manipud iti intero nga aglikmut ti Jerusalem ken manipud iti purpurok dagiti Netofatita,+
29 ken manipud iti Bet-gilgal+ ken manipud kadagiti talon ti Geba+ ken Azmavet,+ ta adda idi purpurok+ a binangon dagiti kumakanta maipaay iti bagbagida iti intero nga aglikmut ti Jerusalem.
30 Ket ti papadi ken dagiti Levita dinalusanda+ ti bagbagida ken dinalusanda dagiti umili+ ken dagiti ruangan+ ken ti pader.+
31 Kalpasanna inyulik dagiti prinsipe+ ti Juda iti rabaw ti pader. Kanayonanna, nangdutokak iti dua a dadakkel a koro ti panagyaman+ ken marmartsa, [ket ti maysa magmagna idi] iti makannawan iti rabaw ti pader nga agturong iti Ruangan dagiti Gabsuon a Dapo.+
32 Ket ni Osaias ken ti kagudua dagiti prinsipe ti Juda nangrugida a magna iti likudanda,
33 kasta met da Azarias, Esdras ken Mesullam,
34 Juda ken Benjamin ken Semaias ken Jeremias;
35 kasta met iti annak ti papadi nga addaan kadagiti trumpeta+ nga isu da Zacarias nga anak ni Jonatan nga anak ni Semaias nga anak ni Matanias nga anak ni Mikaias nga anak ni Zacur+ nga anak ni Asaf,+
36 ken ti kakabsatna a Semaias ken Azarel, Milalai, Gilalai, Maai, Netanel ken Juda, Hanani, nga addaan kadagiti pagtokar+ iti kanta ni David a lalaki ti pudno a Dios; ket ni Esdras+ a managkopia adda iti sanguananda.
37 Ket iti Ruangan ti Ubbog+ ken agtartarus iti masanguananda immulida iti Agdan+ ti Siudad ni David+ babaen ti pagulian iti pader iti ngatuen ti Balay ni David ken agingga iti Ruangan ti Danum+ nga agpadaya.
38 Ket ti sabali pay a koro ti panagyaman+ magmagna idi iti sango, ket simmarunoak iti dayta, kasta met ti kagudua dagiti umili, iti rabaw ti pader iti ngato ti Torre dagiti Paglutuan nga Urno+ ken agtultuloy agingga iti Akaba a Pader,+
39 ken agpangato iti Ruangan ti Efraim+ ken agtultuloy agingga iti Ruangan ti Daan a Siudad+ ken agingga iti Ruangan ti Ikan+ ken ti Torre ni Hananel+ ken ti Torre ti Mea+ ken agtultuloy agingga iti Ruangan ti Karnero;+ ket nagtakderda idiay Ruangan ti Guardia.
40 Idi agangay ti dua a koro ti panagyaman+ nagtakderda iti balay+ ti pudno a Dios, kasta met kaniak ken ti kagudua dagiti diputado nga agtuturay a naikuyog kaniak,+
41 ken ti papadi nga Eliakim, Maasias, Miniamin, Mikaias, Elioenai, Zacarias, Hananias nga addaan kadagiti trumpeta,+
42 ken Maasias ken Semaias, ken Eleazar ken Uzzi ken Jehohanan ken Malkias ken Elam ken Ezer. Ket dagiti kumakanta a kadua ni Izrahias a manangaywan intultuloyda nga impangngeg ti timekda.+
43 Ket nagisakripisioda iti dayta nga aldaw kadagiti dadakkel a sakripisio+ ket nagrag-oda,+ ta ti met laeng pudno a Dios pinagrag-ona ida buyogen ti dakkel a rag-o.+ Ken kasta met dagiti babbai+ ken dagiti ubbing+ a mismo nagrag-oda, iti kasta ti panagrag-o ti Jerusalem mangngegan iti adayo.+
44 Kanayonanna, iti dayta nga aldaw adda nadutokan a lallaki nga agaywan kadagiti siled+ maipaay kadagiti pempen,+ maipaay kadagiti kontribusion,+ maipaay iti umuna a bungbunga+ ken maipaay kadagiti apagkapullo,+ tapno urnongenda kadagita manipud iti taltalon dagiti siudad dagiti bingay a kalikaguman ti linteg+ maipaay iti papadi ken kadagiti Levita;+ ta ti panagrag-o ti Juda ket gapu iti papadi ken kadagiti Levita+ nga agas-asikaso idi.
45 Ket rinugianda nga inasikaso ti pagrebbengan+ iti Diosda ken ti pagrebbengan iti panaggugor,+ kasta met dagiti kumakanta+ ken dagiti agay-aywan iti ruangan,+ maitunos iti bilin da David ken Solomon nga anakna.
46 Ta iti kaaldawan ni David ken ni Asaf iti naglabas a tiempo addada idi pannakaulo dagiti kumakanta+ ken ti kanta ti panangidaydayaw ken panagyaman iti Dios.+
47 Ket ti intero nga Israel bayat ti al-aldaw ni Zorobabel+ ken bayat ti al-aldaw ni Nehemias+ ipapaayda idi dagiti bingay dagiti kumakanta+ ken dagiti agay-aywan iti ruangan+ sigun iti inaldaw a kasapulan ken sinantipikarda ida kadagiti Levita;+ ket dagiti Levita sinantipikarda ida iti annak ni Aaron.
