Idi Mayo 2019, nangipila iti kriminal a kaso dagiti autoridad iti Arkhangel’sk ken Volgograd, Russia kontra iti dua a nataengan a kabsat. Ni Sister Kaleriya Mamykina, 78, a naipakita iti ngato, ken ni Sister Valentina Makhmadgaeva, 71, ket naakusaran nga agar-aramid iti “extremist” nga aktibidad gapu laeng ta maysada a Saksi ni Jehova.

Idi Abril 2018, kinasuan met dagiti autoridad iti siudad ti Vladivostok ni Sister Yelena Zayshchuk nga agtawen iti 84, ken ti uppat pay a Saksi. Sangapulon a kakabsat nga agtawen iti nasurok a 70 ti nakasuan idiay Russia gapu iti natalna a panagdaydayawda.

Nupay awan ti naibalud kadagitoy a lallakay ken babbaket, nakaro la ketdi nga stress ti inyeg dayta a situasion. No agtultuloy ti imbestigasion ken ikeddeng ti korte a nakabasolda, posible nga agmultada iti dakkel wenno maibaludda.

Idi Hunio 17, 2019, immabuten iti 215 a kakabsat ti di nainkalintegan a nakasuan, ken umad-adu pay. Itultuloytayo koma nga ikararagan ti amin a kakabsattayo idiay Russia, ken espesipiko a dakamatentay met ti naganda iti kararagtayo. Kombinsidotayo nga agtultuloy a patibkeren ida ni Jehova babaen ti “nadayag a pannakabalinna” tapno ‘siraragsak ken siaanus a makapagibturda.’—Colosas 1:11.