ABRIL 29, 2019
ARGENTINA
Nangrugin ti Konstruksion ti Baro a Sangay iti Argentina
Idi Agosto 2018, nangrugi ti pannakaibangon ti baro a sanga nga opisina idiay Buenos Aires, Argentina. Addaan daytoy iti 136 a pagopisinaan ken dua a residential building nga addaan iti 98 a kuarto. Ti agdama a pasilidad ti sangay ket adda iti agduduma a lugar, ngem iti baro a sangay, mapagkakadua dagitoy tapno al-alisto ti trabaho. Makita kadagiti piktiur iti baba ti panangrugi ti konstruksion.
Ti kalawa ti lote ket 8,524 a metro kuadrado (91,758 sq ft) ken masarakan iti ruar ti Buenos Aires, ti kabesera ti Argentina.
Agosto 2018: Ti design team, a buklen ti 10 a kakabsat, a nagtrabaho iti 18 a bulan a nangisagana iti plano ti proyekto.
Septiembre 2018: Nakali dagiti nauneg nga abut a pakaikabilan dagiti pundasion. Gapu iti klase ti daga, masapul a maikali ti 103 a nagbukel nga adigi iti kauneg a 38 a metro (125 ft) tapno natibtibker ti patakder.
Nobiembre 2018: Maus-usar ti 33 a metro ti kangatona (108 ft) a crane para iti proyekto.
Nobiembre 2018: Ti kinatalged ti kangrunaan a prioridad iti pannakasangal ti crane ken naipaganetget dayta iti amin nga agtrabaho iti proyekto.
Enero 2019: Maus-usar dagiti heavy equipment iti panangkali iti pakaikabilan dagiti elebeytor.
Marso 2019: Naikkan kadagiti landok ti pundasion ti maysa kadagiti patakder sakbay a mabuhosan tapno natibtibker.
Baka Kayatmo Met ti
PROYEKTO A PANAGIBANGON
Koleksion ti Retrato iti Wallkill 1 (Hulio 2013 Agingga iti Oktubre 2014)
Kitaenyo ti nagrang-ayan ti proyekto a pannakapalawa dagiti pasilidad ti sangay dagiti Saksi ni Jehova iti Wallkill, New York, U.S.A.
PROYEKTO A PANAGIBANGON
Koleksion ti Retrato iti Pilipinas 2 (Hunio 2015 Agingga iti Hunio 2016)
Nabiit pay a nakompleto dagiti Saksi ni Jehova iti Pilipinas ti dakkel a renovation project iti sangayda iti Quezon City. Kitaem no kasano ti panagtrabahoda.
PROYEKTO A PANAGIBANGON
Dagiti Saksi ni Jehova—Agibangbangonda iti Sadinoman a Pagilian
Ti agkaykaysa nga ili ni Jehova ket agibangbangon kadagiti Kingdom Hall ken dadduma pay a pasdek uray nagduduma ti nasionalidad, kultura, ken lengguaheda. Pakaidayawan amin dagita ni Jehova.