ENERO 14, 2019
ANIA TI BARO?
Ti New World Translation, Nairuar iti Lima a Lengguahe
Idi Enero 12, 2019, nairuar ti New World Translation of the Holy Scriptures idiay Benin City, Nigeria iti lengguahe nga Isoko, ken nairuar ti rebisado nga edision ti New World Translation iti lengguahe a Yoruba. Iti isu met la nga aldaw, idiay Dudley, West Midlands, England, nairuar ti libro a Mateo ti New World Translation iti British Sign Language.
Iti met Pilipinas, nairuar ti New World Translation iti dua a lengguahe. Nairuar ti rebisado nga edision iti Cebuano idi Enero 12, 2019 idiay Lapu-Lapu City, Cebu. Kabigatanna, nairuar met idiay Palo, Leyte ti New World Translation iti Waray-Waray. Naipatarusen ti intero wenno ti dadduma a paset ti New World Translation iti 179 a lengguahe, a pakairamanan ti 18 a kompleto a rebision a naibatay iti 2013 nga edision.
Baka Kayatmo Met ti
MASANSAN A MAISALSALUDSOD
Adda Kadi Bukod a Biblia Dagiti Saksi ni Jehova?
Nasaysayaat ti panangadalmo iti Biblia no agusarka iti nagduduma a patarus. Adda tallo a rason no apay nga iramanmo nga adalen ti Baro a Lubong a Patarus ti Nasantuan a Kasuratan.