UKỌCHẸ 19

Amẹnibenu Jihofa Ch’Abo Kraist Ochochi?

PLAY

Awa Amẹnibenu Jihofa kẹdọno kakini a ch’Abo Kraist ochochi. Ẹñwu la chi k’a kabalẹ? K’a g’amẹñwu mẹta-i: amẹñwu k’a kẹdọno, odu ki jẹñwu wa ch’ojoji, manyu ufẹdọ k’a nẹ ñwu ọla wa.

1. Ẹñwu Amẹnibenu Jihofa ad’ukọ ma kwefu-wñ?

Jisọs kakini: “Ọla [Ọjọ] lẹ ch’ochochi.” (Jọn 17:17) Dabu Jisọs, ukọ awa Amẹnibenu Jihofa duu kwefu Baibul. G’ujiwe-i: adiko ọdọ 1870, am’akọchẹ Baibul ka d’ẹdọ wanẹ ch’ukọchẹ Baibul nyọnyọ ku ma li ọgẹcha ki defu Baibul. Ẹñwu ki Baibul ka owñ ma kẹdọno dagba ki ch’ojoji ñwu ẹñwu k’abo chọchi akẹdọno. Ubilẹ, ma chanẹ eka ñwu amonẹ ẹñwu ku ma kọchẹ kwefu Baibul. a

2. Ẹñwu chi k’a dọla wa k’Amẹnibenu Jihofa?

Jihofa ad’abo ku ma r’ọ k’Amẹnibenu-wñ todu ku ma k’ogẹcha lugbo-wñ. (Abo Hibru 11:4–12:1) K’a g’ujiwe. Iko igbele, Jihofa ka ñwu amonẹ-wñ kakini: “Amẹ ch’amẹnibenu-mi.” (Gba Aizaya 43:10.) Ma dọ Jisọs “Ẹnibenu k’i Achubi Onẹ.” (Ọla Ebitẹ 1:5) Todu e-lẹ, ef’ọdọ 1931, a d’odu lẹ Amẹnibenu Jihofa ñwu ọla wa kwefu Baibul. Ẹdọ wa chẹ bọ k’a j’odu lẹ.

3. Abu Amẹnibenu Jihofa ach’awọli ufẹdọ ki Jisọs nẹ?

Jisọs afẹdọ am’akọchẹ-wñ nyọnyọ dabu abo akwọra unyi kate. (Gba Mark 3:35.) Abalẹ gẹ, ọgbọdu Amẹnibenu Jihofa ef’ọgbọ ilẹ-i dabu akwọra unyi kate. Todulẹ, owñ a d’ọla wa k’amọmaye. (Abo Filimọn 1, 2) A ñọ leb’ọda ki kakini: “Mẹ fẹdọ amọmaye.” (1 Pita 2:17) Amẹnibenu Jihofa ad’ufẹdọ-i ña lọna wewe, dabu ech’atẹko amọmaye wa ọgbọ ilẹ-i iko k’ekwu akwu ma.

N’UMA NYỌGBA

Kọchẹ manyu lugbo ọhiala Amẹnibenu Jihofa, k’ẹ m’amẹñwu ki ajẹñwu ẹ ma kaki awa ch’Abo Kraist ochochi.

Am’ukọ Abo Kraist ochochi kwefu Baibul, ma la akpukpẹ-wñ kpai abomunẹ

4. Amẹñwu k’a kẹdọno ch’efu Baibul i kwo

Jihofa ka tanẹ kaki ogẹcha ki defu Baibul ana tejugede. Gba Daniẹl 12:4 ubilẹ mẹ ch’oluka oji ene-i:

Ẹñwu “anana nyọgbaʼʼ efu amʼadu Ọjọ alu ku ma na gwili ẹñwu ki defu Baibul?

G’alu k’amakọchẹ Baibul ka kpai Charles Russell ch’ukọchẹ Baibul. G’IFIDIO-i, ubilẹ mẹ ch’oluka oji ene-i.

IFIDIO: Ma Dabi Li Ogẹcha Ki Kwefu Baibul (7:45)

Efu ifidio-i, abu Charles Russell kpai abo-wñ ki bọ ch’ukọchẹ Baibul le?

Ẹ che ma?

I che n’iko k’a ch’arida amẹñwu k’a kẹdọno. Ẹñwu la chi? Dabu ọjọ ki añwa, anẹ ana nẹ pẹẹ pẹẹ ichẹñwu k’olu adufu. Abalẹ i dẹ kpai ochochi ki defu Baibul, Ọjọ ajeñwu ki na nẹruwa eju pẹẹ pẹẹ. (Gba Ita Ita 4:18.) Ọgẹcha i che kaki Baibul rida n. Ama alu k’a na n’uma nyọgba, a na r’amẹñwu ẹkubọ da efu am’ukọ wa.

5. A chẹñwu k’odu wa aka lugbo wa

Ẹñwu chi ka tu odu-i, Amẹnibenu Jihofa ñwu ọla wa? G’IFIDIO-i, ubilẹ mẹ ch’oluka oji ene-i.

IFIDIO: Odu-i Ad’ọla Ẹnẹ K’a Che Ña (2:40)

Ẹñwu chi k’odu-i ra ñwu wa?

Ẹñwu chi ki Jihofa chi amonẹ ku ma ch’amẹnibenu-wñ? Todu e-lẹ ajeñwu amonẹ ma kaki owñ ch’Ọjọ ochochi, todu amonẹ ar’ọlemi ojoji ojoji lugbo-ñw. K’a g’eji efu am’ọlemi lẹ.

Am’ọna Ọjọ egwa ka akọ abo ma kaki Ọjọ atene ku ma d’ojibo chekwu ef’arẹ ma. Gba Abo Lifai 26:1, ubilẹ mẹ ch’oluka oji am’ene-i:

Ọjọ atene k’a d’ojibo chekwu efu arẹ wa? Ẹñwu chi k’ẹ kabalẹ?

Am’ọna Ọjọ egwa ka akọ abo ma kaki Jisọs ch’Ọjọ. Gba Jọn 20:17, ubilẹ mẹ ch’oluka oji am’ene-i:

Ọjọ kpai Jisọs ch’ẹnẹ kate ma che? Ẹñwu chi k’ẹ kabalẹ?
Abu ẹdọ wẹ dẹ alu k’ẹ ma kaki Jihofa kpẹ Amẹnibenu-wñ ku ma k’Amonẹ ochochi lugbo Owñ kp’Ọma-wñ?

6. A fẹdọ ọla wa

Baibul kakini i dukpẹ k’Abo Kraist ki ch’oka ẹgẹnẹ k’añọla onẹ dẹ. Gba 1 Abo Kọrint 12:25, 26, ubilẹ mẹ ch’oluka oji am’ene-i:

Ẹñwu dukpẹ k’Abo Kraist ochochi ki che ichẹñwu k’abo ma ach’ọbata?
Ẹñwu chẹñwu k’ẹ li lugbo ufẹdọ ki d’agbade Amẹnibenu Jihofa?

Ichẹñwu k’Amẹnibenu Jihofa ka ach’ọbata ugbo ka ef’ilẹ-i, amọmaye ki bọ ọgbọ ilẹ-i ahika chẹñwu duu ku ma neke che ku ma ch’atẹko ma. K’a g’ujiwe ka, g’IFIDIO-i. Ubilẹ, mẹ ch’oluka oji ene-i.

IFIDIO: Obutu Lile Ki Kp’ẹñwu Biẹ Ojanẹ Haiti (5:29)

Abu ukọlọ ubọla Amẹnibenu Jihofa du ña kaki ma n’ufẹdọ ọlama?

Abo Kraist ochochi ad’ufẹdọ ñ’abo k’ekwu akwu ma

ABO KA KAKINI: “Amẹnibenu Jihofa ch’uchẹ ọna Ọjọ egwa etitọ.”

Akw’iko Jihofa chanẹ edọ abọ-wñ amẹnibenu?

ẸY’ỌLA UKỌ-I

Amẹnibenu Jihofa ch’Abo Kraist ochochi. A ch’akwọra unyi lile ki arẹ Jihofa ọgbọ ilẹ-i, am’ukọ wa duu ch’efu Baibul i kwo, a la akọ amonẹ ochochi lugbo ọla ẹnẹ ki Jihofa che.