Ọna k’ẹ neke jile nana kwefu ukọchẹ Baibul-i
F’amẹñwu ku ma ka lugbo ọtakada-i gba ejodudu, ubilẹ g’IFIDIO-i.
UKPẸ EJODUDU
Ichẹñwu k’ẹ mọla ukọchẹ duu, gba ukpẹ ejodudu-wñ. Am’ene ki doji am’ọgba-wñ (A) kpai am’ọgba Baibul (B) ad’ọla ki ch’ogbogaga efu-wñ tejugede. Du tef’ẹdọ wẹ kaki ẹ ñọ gba am’ọgba Baibul ku ma kọ “gba” t’iba ma.
UKPẸ ALUMEJI
Ẹñwu ejodudu ku ma kọ (CH) ofe N’uma Nyọgba ajẹñwu wa ma ẹñwu k’a na kọchẹ. Am’oji ọla kekele (D) ajẹñwu wa ma amẹñwu ogbogaga ki dọmọ. Ẹ na gba am’ọgba Baibul ki defu-wñ kp’ẹnẹ ki ach’ukọchẹ Baibul kp’uwẹ, ẹ dohi am’ene, ẹ ñọ g’amifidio ki dọmọ.
Am’IFIDIO ki defu ukọchẹ ach’atẹko wẹ k’ẹñwu k’ẹ kọchẹ ki nẹr’ẹ eju nyọnyọ. Am’ifidio ka ad’amẹñwu ki che ochochi ña. Ama, am’ifidio omunẹ ach’ujiwe amẹñwu ki neke wa che.
G’amifoto ki dọmọ nyọnyọ kpai amẹñwu ku ma kọ j’ofe-wñ (E), k’ẹ la kpibe alu k’ẹ dohi Abo Ka Kakini (Ẹ).
UKPẸ OTITALA
Ẹy’ọla Ukọ-i kpai Ẹñwu Ẹ Kọchẹ? (F) ad’ukọchẹ oji-ọla w’ukpoji. Kọ tanẹ ọjọ k’ẹ kpoji ukọchẹ lẹ. Ẹñwu K’ẹ Neke Che (G) ach’atẹko wẹ k’ẹ neke kọchẹ t’ọgba abẹki ed’ẹñwu k’ẹ kọchẹ chekwu. Kọchẹ Manyu (GB) ach’atẹko wẹ k’ẹ neke li amẹñwu k’ẹ neke gba abẹki ẹñwu k’ẹ neke go ki ajẹñwu ẹ n’uma nyọgba.
Amẹñwu ki defu ọtakada-i
|
|
|
|
Alu k’ẹ neke li am’ọgba Baibul k’ẹ tene
Baibul ch’agwodama am’ọtakada kẹkẹ ọgbọ mẹta nyoke mẹfa (66). I chẹ kpẹru ọna meji: Ma kọ ukpẹ ejodudu al’ichi Hibru kpai Aramaik (“Alo Igbele”) ma la kọ ukpẹ ẹkeji al’ichi Grik (“Alo Etitọ”).
Ichẹñwu ku ma kọ oji Baibul duu efu ọtakada-i, i achanẹ kpai odu ọtakada Baibul lẹ (A), ubilẹ ẹ li oji-wñ (B), tak ẹ li ọgba abẹki am’ọgba-wñ (CH).
G’ujiwe-i, Jọn 17:3 akọla lugbo ọtakada Jọn, oji 17, ọgba 3.
