Adịda bala ịnịna la ụkụrwọ ọkpọnchị nyọka mẹ ang jẹ anyị nyaa u-uhye nya iJihova. (Efe. 6:4) Ogu nya iJihova họ apwụ, ifim, bala eje lụmẹ-lụmẹ ịlẹ kị ka daa ụbwọ jụ ụkụrwọ ọwẹ họ. Ányị a tị́ ka bwu kpa ang-abwọ ịwẹ họ ụkụrwọ nyọka mẹ ang jẹ anyị nyang?

• Jẹ́ ang ịlẹ kị juwa. Ịị JW.ORG à ka yẹ ang myị́ ang ịlẹ wuu kị họ chajị nya anjwo, tụ ifim bala apwụ ịlẹ kị ka jẹ́-ẹ wa. a Nyọka yaa, da “Anyị Anjwo” lee “Anyị Anjwo i-Gu Ẹka Iwo Kụrụ” ẹ-ẹga kịị mwahị nya ang bwu.

• Chụ ang ịlẹ kị ka pwoku ọnyị nyang. Ang ịlẹ kị da kpehe e-ekpeleji nya ẹga ọlẹ kọ ri “Anyị Anjwo” ka dang ụbwọ nyọka chụ ang ịlẹ kị ka pwoku ọnyị nyang.

• Juwa balaa. A ya ifim bala apwụ nyahị ha anyị nyang nyọka gwaa irya daarụ hi ayịlọ ọkọkọ ịịwẹ kem ka. Ọkọkọ nyọọwa, ya ẹla u-uhye nya ẹla ọmẹjẹ ọlụwa bala ọnyị nyang ká dọọ ụbwọ nyọka ri igu o-chii bala iJihova.