Ụka kahị ja jẹ́ ịBayịbụụ, ahị tịtọ ká ang ọlẹ kahị jẹ́ u-uhye nya iJihova ka guhị o-olegu, lee o-gu irya ọlẹpwụ nyahị. Ẹsịra ya ọgụ-ẹpẹtẹ ọnyịịla deeji hahị nyọlẹ kọ “hu ọhịhị nyamwụ lẹpwụ-lẹpwụ juwa kpa jẹ ehile” lee ọ-nwụla ọkịlẹtụ nyamwụ nọ nyọka jẹ́ ehile nya iJihova. (Ẹsịr. 7:10) Ányị ahị tị́ ka jẹ́-ẹ họ lala Ẹsịra?

Raabwọ. Raabwọ ene ká ka dọmwụ nya ang ọjẹ́jẹ. Bịlẹ iJihova kọ ka dang ụbwọ nyọka wo etu nya ang ọlẹ ká wẹẹ ka jẹ́ bala ọ-ka jẹ́-ẹ kpa họ ụkụrwọ.—Eje. 119:18, 34.

Kpa ịlọng keji. Ohe ya ẹlịlẹhị kpịbaa hi angị hu ịlaa hwaa ịlẹ kị me nyori ịwa nyị́ baba nya ụbwọ ọdada nya Ohe nyọka jẹ́-ẹ wo etu nya ẹla ọla ịBayịbụụ ka. (Luk. 10:21) Áhị tịtọ kahị ka jẹ́ ang chajị nya angịnyị ọ-ka wahị nya angị jẹ́ ang lụmẹ ka. Ụka kahị jẹ́ ang kahị yẹ nyori ahị baba nyọka nwụ ịngịhyẹ họ, ahị kpa ịlọhị keji kahị họ ịnyị.

Ke ụrụ la eje nyahị ọhẹ. Eje la ọngịrị nyọka jẹ́-ẹ ya ẹla gu ọngịnyị ọ-ọkịlẹtụ, bala ọ-nwụlahị nọ gbe ọ-ka gbịgba ha Ohe. Ọ-ke ụrụ la eje bwu ọmwụ ọdada nya ang ọjẹ́jẹ ka dang ụbwọ myị́ nyọka nwụla ọkịlẹtụ nyang nọ.