Kịlọọ ju:

• Ụpwụ nya Eje

1. 1. Ụka k’Ọnyị nyang hw’enyi ny’Ohe,

   Omy’ẹla nyang y’ọngịrị họọ,

   Irya nyang kpọọ ịpyọ l’ọhọhọ,

   Ọ lal’ang oriri họọ.

   Ụka k’ịmayẹ dọmwụ lụmẹ,

   Ọ jẹ́ kụrụ, godayị kpọọ;

   My’ẹrụ hang l’ọngịrị nyamwụ wuu.

   M̀ tịtọ nyọka gbịlọọ.

   (ỌKỌ ỌDAWỤLẸ)

   M̀ tịtọ nyọka h’irya nyang,

   Kp’ọngịrị nyam h’ụkụrwọ hang.

   Ẹlịlẹhị, ọkẹkẹnị​—

   À ya ham chịba-chịba.

   M̀ tịtọ nyọka h’irya nyang.

   Ang ịlẹ wuu ká my’ọnụ ham,

   Tụ́ ọháha nyang bal’ọnahị,

   Dudu kam ka gwogbo hang.

   O r’irya nyam.

2. 2. Nyọlẹ kam tụ́ bang, iJihova,

   M̀ y’ọkẹkẹnị ọtụka.

   O r’ihi ọtụka, Adada,

   Nyọka r’Olibeenu nyang.

   Am bal’anyịnam ka y’ẹla nyang,

   M’ẹlịlẹhị j’angịnyị.

   Ọhịhị kpịpyọ nyọlẹ kam jam

   Kp’ọngịrị nyam h’irya nyang.

   (ỌKỌ ỌDAWỤLẸ)

   M̀ tịtọ nyọka h’irya nyang,

   Kp’ọngịrị nyam h’ụkụrwọ hang.

   Ẹlịlẹhị, ọkẹkẹnị​—

   À ya ham chịba-chịba.

   M̀ tịtọ nyọka h’irya nyang.

   Ang ịlẹ wuu ká my’ọnụ ham,

   Tụ́ ọháha nyang bal’ọnahị,

   Dudu kam ka gwogbo hang.

   O r’irya nyam

   Nyọka ja h’irya nyang.