Ịyẹ Tị́ ka Du ká Ugbiyegu ka Chị Ọkẹkẹnị?
A me irya ká . . .
-
ọháha?
-
okpoko?
-
ịyẹ a tị́ kụ irya?
ỊBAYỊBỤỤ YẸKẸẸ
“Ọng myị́ ọng ọlẹ kọ wo ẹla nya Ohe Oluhye . . . kọ juwa kpa ẹla ọọwa, họ ụkụrwọ . . . ahị ọwawa [ọkẹkẹnị] a ka juwa ha pyịyọọ lẹlẹ.”—ILuku 11:28, ỊBayịbụụ nya Ohe Oluhye.
APYOBWUNA ỌLẸ Á KA YE
Ọrụ-ahụ ka la ọháha ẹ-ẹga nya ahụ nyamwụ.—Ala Efesọsị 5:28, 29.
Ahụ ka ju ọrụmwụ ihi.—Ala Efesọsị 5:33.
Ị ka la ọ-yẹjula awụlẹ ọlam-ọlam.—ỊMakị 10:6-9.
AHỊ KA MYỊ JU ẸLA ỌLẸ KÁ ỊBAYỊBỤỤ YA?
Ee, u-uhye nya ahị nya ẹla imiiye:
-
Ohe Oluhye à ri ọmwụ ọdada nya ugbiyegu lẹ. ỊBayịbụụ yẹkẹẹ “ugbiyẹgu wuu . . . bwu ẹ-ẹga” nya iJihova Ohe oluhye. (Ala Efesọsị 3:14, 15, NW) Ọọwa ri yẹkẹẹ, ugbiyegu wẹ ka ji chajị o-ri obyi omeme nya Ohe Oluhye. Ịyẹ tị́ du kọ baba nyahị ọ-ka jẹ́ nyorị Ohe Oluhye a họ ugbiyegu lẹ?
Ọ-chụ pwokwita: O-ri a juwa ri ang oriri ọlẹ kọ la ịpyọ yẹẹyẹẹ, a tị́ tịtọ á ka jẹ ang ọlẹ kị kpa kpọọ, oowo a tị́ ka tọ wo? Ọngọlẹ kọ kpọọ ịnyị.
Ịnyịnyị, o-ri kahị tịtọ nyọka jẹ́ ang ọlẹ kọ ka du ká ugbiyegu ka chị ọkẹkẹnị, ahị ka tọ iJihova wo, ọngọlẹ kọ ya obyi omeme ọwẹ yeji.—Ọmwụ Ọdada 2:18-24.
-
Ohe Oluhye kpahị jung. Ọ-há ká ugbiyegu ka wo ẹla ọlẹ ká iJihova ya hahị bwu Omyi Ẹla nyamwụ. Ịyẹ à tị́ du? “Chajị, ọngọ họ ọbaba nyanụ wuu hanụ myị́, Ohe oluhye ayịdang a ri lẹ.” (1 IPita 5:6, 7) IJihova kpa ịbaba nyanụ ọ-ọkịlẹtụ, lẹ alibyi nyamwụ kaa họ ụkụrwọ ụka wuu!—Etu 3:5, 6; Ayịsaya 48:17, 18.
KỤ IRYA JU ỊTỌ ẸLA ỌLẸ WẸẸ
Ányị a tị́ ka họ á ka ri ọrụ-ahụ, ahụ lee adịda bala ịnịna ọnyịịla?
ỊBayịbụụ wẹ ịtọ ẹla ọwẹ ụ-ụpwụ nya ALA EFESỌSỊ 5:1, 2 bala ALA IKOLOSI 3:18-21.
You May Also Like
U-UHYE NYAHỊ
Ịyẹ a tị du ahị ka jẹ Ibayịbụụ?
Ibayịbụụ ya ọwẹwẹ nya ịtọ ẹla ịkpọnchị ha uku nya angịnyị odehe wuu. Ahụ tịtọ á ka ri ọngọhẹ ẹ-ẹpwụ nyaa?
U-UHYE NYAHỊ
Du Ẹrụ Nyọka Jung Ụga
Kụ ẹhị yẹ ịtọ ẹla u-uhye nya ịBayịbụụ lawụlẹ, lee jẹ́ ang gụ ọọwa u-uhye nya Alibeenu nya iJihova.
