Kori kahị la ọháha ẹ-ẹga nya iJihova, áhị ka họ ang ịlẹ kị wọọ ẹjẹ ka.

IJihova-á tịtọ kahị ka yoyi, lee ọ-nwa ere lụmẹ-lụmẹ, lee ọ-da ọtaba, lee ọ-nwa ẹchụ, lee o-mile eteji ịnyịịngịrị ka.

Ọngịnyị ọnwụnwụ, ẹnyị ọbịrịị-bịrị, anyang-anyang ọ-họ ụya tọ awụlẹ bala alẹng-alẹng ọ-họ ụya tọ awụlẹ wụ́ Ohe Oluhye ẹjẹ. Ọ́ tịtọ kahị ka la ahị nyanya ẹ-ẹga nya ang nya ọngọkịla lee ọ-ma uya bala angịkịla ka.

Áhị ka gbịgba ha ekpeku lee ọ-kpụ ojiga, lee o-ya ẹla ta angị gbugbu ka.

Ọngọ họ ang ọtịpyọ ọlẹlẹhẹ-ẹ́ ka juwa ị-ịParadayịsị ọlẹ kọ wẹẹ ka wẹ ka.

Kori kahị tịtọ ká ẹla nyahị ka kpụ Ohe Oluhye ịpyọ aalẹ, ahị ka họ ẹla lala ọwa.

Mẹ ọháha jẹ angịkịla bwula ọ-họ ọnahị bala o-hu ha.

Họ ẹla nya ịlẹhị.

Ri ọngọ yẹ ahyẹẹrwẹrwa bala ọhịnyọhi.

Ya ẹla je angịkịla chajị nya iJihova u-uhye nya ang ịlẹ kị họ́ọ bala ịlẹ kị họ́ọ ka—Ayịsaya 43:10.