Ụpa ọlẹ mẹ ang jẹ́ẹhị u-uhye nya anjwo, alọmwụ, bala ịdịrịhụ ịlẹ kị mẹ ọmyịmyị ọtụka-ọtụka jẹ ẹ-ẹga nya iJihova. Ọ-ọpyị nya iSiriya, ọnyị ọnyang ochiche nya ala Isirẹlụ ọhẹ la ọmyịmyị nyori ọlọmwụ nya iJihova nyị ka jẹ́-ẹ họ ịNaaman uda. Ọlọmwụ Ịlayịcha la ahị ọdahile yẹẹyẹẹ nyori iJihova nyị ka chewu ke ọwa bwu ẹga nya alẹwụ ịlẹ kị tịtọ nyọka woo kpa rụ. IJehoyada Ọngọkiliya Ọgbahị hu ọhịhị nyamwụ ga ha igu nyọka chewu ke iJehowachị bwu ụbwọ nya Atalaya ịnamwụ ọgbahị ọlọkwọ. Adịrahụ iHesekaya dahịhile nyori iJihova nyị ka chị iJerusalẹm da, lẹ ọ́ myị uhi ọlẹ ká ala Asiriya chị jwoo du kọ họ jaabwọ kị tịtọ ka. Adịrahụ iJosaya ta ijiga ayịreji hi ọpyị nyamwụ, nwụla ube ịgọgọ, bala ọ-kpa alẹpwụma nyamwụ nyà tịrẹkpẹ wẹ ịgba ọgbagba nya ịlẹhị.