ANG ỌJẸ́JẸ 3
Ịtọ Ẹla Ọ-Tọtọ
ỊMatiyu 16:13-16
ẸLA ỌLẸ KÁ KA HỌ: Tọ ịtọ ẹla ụ-ụgbẹyị ọlẹ kọ́ pwoku nyọka gu angịkịla i-irya, ọ-kpa mẹ ẹla jaa bala ọ-kpa gba ahị nya ẹla kpehe.
JAABWỌ KÁ KA BWU HỌ ỊNYỊ:
-
Ya ẹla ọlẹ kọ́ ka gu angịkịla i-irya. Tọ ịtọ ẹla ịlẹ kị́ ka daa ụbwọ nyọka kụ irya ju ẹla ọlẹ ká wẹẹ mẹjẹ, bala ọ-ka gwaa gbaa nyọka jẹ́ gụ ọwọwa.
-
Mẹ ẹla ọọwa jẹ yẹẹyẹẹ. Kpa ịtọ ẹla ịdatị-ịdatị da angịlẹ ká wẹẹ mẹ ang jẹ ụbwọ nyọka kụ irya ju ẹla ọọwa yẹẹyẹẹ bala ọ-ka jẹ́ ẹla ọlẹ kọ́ ri ịnyịlẹhị.
-
Gba ahị nya ẹla kpehe. Tọ ịtọ ẹla ọkpọngchị ọhẹ nyọka kpa dọmwụ nya ẹhị nya ẹla. Tọ ịtọ ẹla ịlẹ kịị gba ahị nya ẹla kpehe ụka ká ya ẹla u-uhye nya ẹhị nya ẹla ọhẹ kpá lee o-juwa ka chị ẹla oyaya nyang wuu eju.
