HỊHỊ LALA ANGỊNYỊ NYA ỊKỊRAYỊSỊ
Jaabwọ Á ka Bwu Dụbwọ Ụka ká Ayịreji o-Bwu Agaga á Họ
Ayịreji i-bwu agaga jam họ hyaa-hyaa lụka nyahị ọlẹ. Ụka ká ayịreji o-bwu agaga á ho, ọbaba nyọka nwụla ang ịlẹ kị ka kpa da aanahị ụbwọ nọ yẹẹyẹẹ bala angị dụbwọ ọ-ka wo lawụlẹ. Nyọọwa ọ-ka chịkpẹẹ, Angị Kpẹhị Rịrị Ogu ya nyori Ebwo nya Angị Dụbwọ Ụka nya Ẹla o-Bwu Agaga nyị ka ji egbeju-ẹpwa ọnyị myị́ ọnyị.
Ụka ka aanahị ịlẹ kị ka họ ụkụrwọ e-ebwo ọwẹ à wo nyori ayịreji o-bwu agaga nyị họ, ị kaa ya ẹla bala angịgbahị nya ọjịra-jịra iloye ọọwa la ọ-bịrị ụka ka, chajị kị ka jẹ ụma nya ụbwọ ọdada ịlẹ ká aanahị ka baba. Kori ká ang á bịrị kpoye nya ẹga ọlẹ ká aanahị iloye ọọwa ka jụ nwụla lịlaa myị, egbeju-ẹpwa kaa chụ aanahị alẹng ịhyẹ ịlẹ kị jụ ụkụrwọ họ nyọka kpịlahị nya ụkụrwọ nya ụbwọ ọdada. Aanahị ịịwa ka baba nya angị ka dụbwọ lee ọ-tọ wo nya ang ịhyẹ lee ịkịla ịlẹ kị baba myị lee ị ka ra ang ịlẹ kị baba bwu oye ọwọwa ya ha angịlẹ kị baba nya ụbwọ ọdada.
Apyobwuna ju iru kori kị họ ịnyị. Ọọwa ka du ká ụbwọ ọdada á ka ji ka oye ookpokpo ka, o-wo lawụlẹ ka ji, ị́ ka bịrị okpoko ododu lee ọ-ra ang kpoye nya ọlẹ kọ baba ka. Ọ ka lịnyị myị kori ká ọngọngọọng á chụ nyọka dụbwọ ụ-ụgbẹyị ọlẹ kọ họ́ọ gụ ka.
Aanahị ịlẹ kị chụ bwu egbeju-ẹpwa ka kụ okpoko lee angị ịmanyị ịlẹ kị baba nyọka kpa họ ụkụrwọ nya ụbwọ ọdada ọọwa. Aanahị ịịwa ka jẹ́-ẹ ya ẹla tọ alegbeju nya ẹpwụma myị, ọọwa ka du ká ụkụrwọ ọọwa ka la kịlata. Lẹ, anụ chuchuu, ọngọngọhẹ á yụbwọ kpụ ịlọmwụ nyọka da angịkịla okpoko bala ọ-ya ang ịlẹ kọ me irya nyori nyị baba du ẹrụ, lee ọ-rụnyẹ kà ẹga ká iyabwọ ọlịnyị họ ka, kene-kene kori kị byọọ nyị họ ịnyị lẹ mẹ ịnyị.
Nanana nyọọwa, ụka ká ayịreji o-bwu agaga á họ, ahị kaa tịtọ nyọka dụbwọ. (Hib 13:16) Aanahị háahị yẹẹyẹẹ! Lẹ, ịyẹ ahị tị́ ka jẹ́-ẹ họ? Ọlẹ kọ gụgụ wuu ri, ahị ka jẹ́-ẹ raabwọ chajị nya angịlẹ ká iyabwọ họ bala angịlẹ kị juwa daa ụbwọ. Ahị ka jẹ́-ẹ gba okpoko kpehe nyọka kpa da ụkụrwọ nyahị olodehe wuu ụbwọ ịnyịnyị. Bwula ẹhị ọ-kpa rịrị nya Angị Kpẹhị Rịrị Ogu, ala egbeju-ẹpwa ọnyọnyọọnyị a ka jẹ́ ẹga ká ọbaba nya okpoko ji gụgụụgụ lẹ. Kori kọ ri irya nyahị nyọka dụbwọ lịlọhị aalẹ, ahị ka mẹjẹ nyori ahị nwụlanọ bwula ọ-yụbwọ ju ụpwụ nya Local Design/Construction Volunteer Application (DC-50) ẹ-ẹpwụ.
YẸ IFIM ỌLẸ KỌ RI UKPENYI Ọ-TA ANG AYỊREJI Ụ-ỤWA ỊỊ BRAZIL, KANỤ WẸ ỊTỌ ẸLA OLEJI ỌLẸ:
Ịyẹ à tị́ myịng lẹhị gụ wuu u-uhye nya abwọlẹ ká Alibeenu nya iJihova dụbwọ ụka ká ukpenyi do ụ-ụwa ịị Brazil la 2020?
