“Ta abwọ nyang. Kpa ube nyang cheri-cheri. Tu eji ọdọda nyang. Go ajeyi hụrụ.” Adịda bala ịnịna lụmẹ-lụmẹ kaa mẹjẹ anyị nyaa nyọka kpa ịlaa cheri-cheri. Ma, ehile nyọka la cheri-cheri bwu ẹga nya Ohe Oluhye ọlịgọgọ. (Ehe 30:18-20; Ehile 23:14; 2Kọr 7:1) Ụka kahị kpa ịnyịrọ nyahị bala ang-abwọ nyahị cheri-cheri, ahị wẹẹ ju iJihova ihi. (1Pit 1:14-16) Ube nyahị bala ọdọdẹpwa nyahị tị́ bẹẹ? Angịnyị nya ịKịrayịsị kaa maga nyọka kpa ẹpwa nyaa cheri-cheri, ị lala angịlẹ kị kaa nyi ajeyi epepe chị ụ-ụgbẹyị bala opeje nya ịhị ka. (Eje 115:16; Ọwụ 11:18) Jaabwọ kahị ka ya ang ichiche lala ụpwụ nya isweet, ehwo nya egba nya ere bala apwụ nya ibisikiti chịị iru, ka mẹjẹ ụma nya irya ọlẹ kahị la ẹga nya ocheri-cheri ọlala. Ẹ-ẹpwụ nya ụpa ọnyị myị́ ọnyị nya ọhịhị nyahị, “ahị kaa họ abwẹla olihi-ihi ọlẹ kọ ka jẹ́-ẹ mẹẹhị jẹ angịkịla lala anchẹ ị-myị ẹrụ nya Ohe Oluhye nya ịlẹhị.”—2Kọr 6:3, 4.

YẸ IFIM ỌLẸ KỌ RI ANGỊ LA CHERI–CHERI KAA HÁ OHE OLUHYE, KANỤ WẸ ỊTỌ ẸLA ILEJI ỊLẸ:

• Ẹlịyẹ angịhyẹ à tị́ kaa ye ya, du kị kaa kpa ang-abwọ ịlẹ kị la cheri-cheri ka?

• Ányị Ehile nya iMosisi à tị́ mẹjẹ́ẹhị jaabwọ ká iJihova yẹ ocheri-cheri ọlala?

• Ányị ahị tị́ ka bwu ya ogbo ha iJihova la o-ya ẹla ka?