Ekoohi, ɔdaŋ ku alɔ ceyitikwu lɛ uklɔ ya lɔfu lɔfu lɛ ayinɛ alɔ, ó lɔfu je uwa eyī ŋ amāŋ é lɔfu mlanyi uklɔ a fiya fiya gla. Uklɔ nɛ alɔ gē ya lɛ Ujehofa a i bɛɛ? Ujehofa i gē mlanyi uklɔ mla ɛgɛ nɛ alɔ yɔ i gba ɔ ɛ̄gbā ŋma ipu ɔtu ku alɔ ŋ. Ɔdaŋ nɛ alɔ i kōō lɔfu ya ɛgɛ nɛ alɔ tɛtɛ gē ya a ŋ naana ohigbu ōcē, ó gáā habɔ alɔ ta ŋ.— Uhíb. 6:10.

LƐ UVIDIO NYĀ MAFU NŌO KAHINII: UJEHOFA GĒ BLA, CƐƐ AA LƐ ƆKA NŌO BA NYĀ CILA:

• Ɛgɛnyá nɛ ɔyinɛ alɔ nɔnyilɔ Hibshman yuklɔ lɔfu lɔfu aya ɛyɛyɛɛyi ipu ɛ̄gbā ō gba ku Ujehofa a?

• Ɛgɛnyá nɛ Ujehofa mafu kóō blakwu ɔyinɛ alɔ nɔnyilɔ Hibshman igbihi nɛ ɔnyā gekwu a, mla igbihi nɛ ó kwu hila nɛhi nɛ ó klla ya aɔdā nōo tɛtɛ gē ya a gla gɛ ŋ ma?

• Ɔdiya ɛɛ nɛ alɔ lɔfu ka ɛgɛ nɛ ɔyinɛ alɔ nɔnyilɔ Hibshman bi oyeeyi ku nu le gba Ujehofa ɛ̄gbā ipu uklɔ ō ya lɛ Ujehofa eko doodu a cɛ lɛ ɔ gbagbenu a?—Aíit. 10:22