• Aíit. 17:24—Ɔwɛ ɛgɛnyá nɛ “eyī kú olíla gē yɛ ga ɛga ɔhá kú ɛcɛ nyā” a? (it-1 790 ¶2)

  Ohi ku uwɔ

• Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?

  Ohi ku uwɔ

Ācɛ apɔlɛ cɛgbá ō kɛla mla iyi uwa lɔɔlɔhi, o ya ɛɛ ka eeye kóō yɔ ipu apɔlɛ a. Eko duuma nɛ ācɛ apɔlɛ gē kɛla ŋma ɔtu mla iyi uwa lɔɔlɔhi, é lɔfu yuklɔ tɔha ō lɛ ōmiya ku uwa ya jila klla je otabɔ lɛ iyi uwa eko ku unwalu. (Aíit. 15:22) Ɔdi nɛ a géē ya o ya ɛɛ ku ɛjɛɛji ācɛ apɔlɛ a, kéē kɛla ŋma ɔtu oŋma lɛ ɛgɛ nōó gē ya uwa lɛ a?

Lɛ eko taajɛ ku aa yɔ tɔha. (Obla. 6:​6, 7) Eko duuma nɛ ācɛ apɔlɛ gē yuklɔ tɔha, gā ōjila mla uklɔ ku ɔna ō ta tɔha, klla gē hiija tɔha, ó géē ya ku ihɔtu néē lɛ lɛ iyi uwa, mla ɔtu néē kpoce iyi uwa a kóō lɔfu nɛhi fiyɛ. É klla géē lɛ eko ō jɔɔnyɛ ɔka ō ka ku uwa tōōtɔ̄ɔ̄. Ekoohi, a cika ō le tutu ō ya aɔdā ōhī nɛ ācɛ ɔhá ipu apɔlɛ a dɔka ō ya a, ikɔkɔ ō ya ɛ̄nɛ̄ a dɔka a. Ɔdaŋ ku a gē ya lɛ a, aa géē lɛ itene ŋma anu igbihaajɛ! (Ufíl. 2:​3, 4) Ɛgɛnyá nɛ aa géē bi eko ō yɔ tɔha ku aa le yuklɔ ɔwɛ nōo lɔhi fiyɛ duu a?—Āfi. 5:​15, 16.

Lɛ UVIDIO nyā mafu Ya Ɔdā Nōo Gē Ya Ku Apɔlɛ Kóō Lɛ Ɛbɔ—Bēē Kɛla Mla Ācɛ Apɔlɛ Ku Uwɔ Lɔɔlɔhi. Cɛɛ a lɛ ɔka da ayinɛ a kahinii:

• Ɛgɛnyá nōo bi ukɔmputa amāŋ ɔdā ō le gwo uwaya le yuklɔ ɔwɛ nōó okpaakpa ŋ ma, lɔfu lɛ abɔ kwu ɔka ō ka ipu apɔlɛ a?

  Ohi ku uwɔ

• Ɔdā ɔhá nyá nɛ a nwu ŋma ipu uvidio a lɛyikwu ō ka ɔka ɔwɛ olɔhi a?

  Ohi ku uwɔ

Bēē jahɔ lɔɔlɔhi. (Ujɛ́m. 1:19) Igbo alɛwa ayipɛ gē kɛla ŋma ɔtu ɔdaŋ ka é jé ka ācɛ géē jɛyi ɛlā ku uwa. Ayipɛ klla gē kɛla ŋma ɔtu lɛ ɛ́nɛ́ mla adā uwa ɔdaŋ ka é jé ka uwa i gáā cɔnu ŋ. Ceyitikwu ku a hii cɔnu ŋ, ɔdaŋ ka ɔyi uwɔ kɛla nōo lɛ abɔ kwu uwɔ iyē. (Aíit. 17:27) Ikɔkɔ ɔɔma, jahɔ ipu eyinyinyi. Ceyitikwu ku a jé ɔdā nɛ ó yɔ i gbɛla mla ɛgɛ nɛ ɔtu yɔ i ya ɔ lɛ a, o ya ku a ta ɔ ɔtu kwu ɔtu amāŋ je otabɔ lɛ ɔ ipu ihɔtu.