Ɔya Ɔmɛhɔ 19-25
AÍITA 14
Ijé Ɔmɛ 89 mla Ɔkɔ o gba | Aɛlā O Bi Gbɔɔ (uminiti 1)
1. Gbɛla Lipu Lipu Lɛyikwu Ɔdā Nɛ A Géē Ya Eko Nɛ Ɔdā Amiya Le Ya
(uminiti 10)
Leyi kwɛɛcɛ ku a hii kpɔtuce “ɔdā dóódu” nɛ a po a icici ŋ (Aíit. 14:15; w23.02 22-23 ¶10-12)
A hii gbolo ce ɔdā nɛ a gbɛla amāŋ má ŋma igbihi ɛ ma ŋ (Aíit. 14:12)
A hii jahɔ tu ācɛ nōo ta ō miyɛ ukɔ́ ŋma ɛgiyi ɔwa ku Ujehofa a ŋ (Aíit. 14:7)
GBƐLA TU Ɔ: Anyakwɔcɛ ku ujɔ, aa le tutu ō yɛce ɔwɛ nɛ Ujehofa gē mafu a klla gbolo ce ɔ eko duuma nɛ ɔdā amiya le ya a?—w24.07 5 ¶11.
2. Ɛnɛɛnɛ Ɛlā Nɛ Alɔ Nwu Ŋma Ɛlā Ɔwɔico
(uminiti 10)
-
Aíit. 14:15—Ɔdi nɛ a cika ō gbɛla lɛyikwu ɔ gbɔbu ku a ya ōmiya a? (Iff ɛlā ō nwu ɔmɛ 35 ogwotu 2)
-
Agbenu nyá nɛ a má ŋma ipu Ubáyíbu ō jé ku alaadi nyā nɛ a géē dɔka ō kɔ mɛmla alɔ a?
3. Ubáyíbu Ō Jé
(uminiti 4) Aíit. 14:1-21 (th oklɔcɛ ɔmɛ 11)
4. Ō Gbɔɔ Ɔka Ō Ka
(uminiti 3) Ō TƆƆNA ƐGA NƐ ƐWA KU ĀCƐ GĒ BA. Bi ɛlā ŋma ipu Ubáyíbu le tɔɔna lɛ ɔcɛ éyi nōo da uwɔ ku anuɔ yɔ i lɛ ɔtoplico lɛyikwu āhɔ̄ nōo yɔ i lɔnɔ a. (lmd ɛlā ō nwu ɔmɛ 3 ogwotu 3)
5. Ōcigbihi Nyɔ
(uminiti 4) Ō ŊMA ƆLƐ GĀ ƆLƐ. Kwu umagajin éyi nōo kɛla lɛyikwu ikpɛyi ɛlā nɛ ondu ɔlɛ a mafu ka ó he ɔ ɔtu ipu ɔka nɛ aa ka amoomɛ a. (lmd ɛlā ō nwu ɔmɛ 9 ogwotu 4)
6. Ō Lɛ Ācɛ Piya Ayikpo
(uminiti 5) Ta ɔcɛ nɛ a gē ya oklɔcɛ ku Ubáyíbu mla ɔ a ɔtu kwu ɔtu kóō bēē jé Ubáyíbu ɛ̄cī doodu, mla ɛgɛ nɛ ó géē ya ɔ a. (th oklɔcɛ ɔmɛ 19)
Ijé Ɔmɛ 126
7. Le Tutu Eko Doodu Ohigbu Amiya
(uminiti 15) Ɔka o ka.
Ɔnyakwɔcɛ ku ujɔ gáā ya aya nyā a. Ta ayinɛ a ɛlá kwu aɔdā ō cɛgbá nɛ abɔ ku ɛga ō yuklɔ mla anyakwɔcɛ ku ujɔ ka lɛyikwu ɛlā nyā a, ɔdaŋ kóō yɔ.
Abɔ alɔ yɔ i lé ɔtu ku “eko nɛ̄ ɛcɛ gáā mɛ” nyā, alɔ leyice ku unwalu géē yɔ i nwune tōōtɔ̄ɔ̄. (2 Utím. 3:1; ɔdā ōhī néē ka ipu nwtsty lɛyikwu Umát 24:8) Gbɔbu amāŋ eko ku amiya, igbalɛwa, ācɛ ɔlɛ Ujehofa gē miyɛ ukɔ́ teeko nōo gē nya oyeeyi ku uwa ta. Ohɛta ku alɔ eko ɔɔma, géē gbolo ce aɔdā nɛ alɔ gē ya babanya, o ya ɛɛ ku ɔtu okpoce ku alɔ kóō lɔfu mɛmla ō yɔ i ya otutu taajɛ lɛyikwu aɔdā nɛ alɔ géē cɛgbá a.—Aíit. 14:6, 8
-
Ya ku ɔtu okpoce ku uwɔ kóō yɔ i lɔfu: Bēē jé Ubáyíbu ku a yɔ i ya oklɔcɛ ku abɔyi uwɔ ojigogo. Ceyitikwu ku a bēē ya lɔhi fiyɛ ipu aya ɛyɛɛyɛyi ku uklɔ ku ɔna ō ta a. Ɔdaŋ ku āhɔ̄ a ya kóō lɔnɔ ta uwɔ ō yɔ ɛga ekponu tɔha mla ayinɛ uwɔ ipu ujɔ, a hii yuufi ŋ. (Aíit. 14:30) Ó lɛ ɔdā duuma nōo géē lɔfu hɛ uwɔ ŋma ɛgiyi Ujehofa Ɔwɔico mla Ujisɔsi Ukraist gla ŋ.—od 176 ¶15-17
-
Lɛ aɔdā nɛ a cɛgbá a tutu taajɛ: Alɔ cika ō lɛ ɛkpa éyi nɛ alɔ géē kpo aɔdā nɛ alɔ géē cɛgbá tu ɔ ohigbu amiya, ó wɛ ɔɔma ofoofunu nóó, apɔlɛ doodu cika ō lɛ ɔdole, eŋkpɔ, ɛcí mla aɔdā ɛyɛɛyɛyi ɔhá baajɛ, ohigbu nōó géē cɛgbá kéē yɔ ɔlɛ gboji ajɛ.—Aíit. 22:3; g17.5 4
Lɛ UVIDIO nyā mafu A Le Tutu Ku Amiya Ɛɛ? Cɛɛ a lɛ ɔka da ayinɛ a kahinii:
-
Ɛgɛnyá nɛ Ujehofa lɔfu ta alɔ abɔ eko ku amiya a?
-
Ɔdā ɛyɛɛyɛyi nyá nɛ alɔ lɔfu ya babanya o ya ku alɔ le tutu taajɛ a?
-
Ɛgɛnyá nɛ alɔ lɔfu je otabɔ lɛ ācɛ ɔhá nɛ amiya ya da uwa a?
8. Ubáyíbu Oklɔcɛ Ku Ujɔ
(uminiti 30) bt ɛyi 26 ¶18-22, ikpati nōo yɔ upeji 209
