Ɛgɛnyá nɛ ɔtu gē ya uwɔ lɛ eko duuma nɛ a miyɛ ɛnɛɛnɛ ɛhi ŋma ɛgiyi oklobiya amāŋ ɔncɛnya uwɔ a? Ó lɛ aafu ŋ, ó gē cɛ gā uwɔ gweeye nɛhi, a kē géē dɔka ō mafu lɛ oklobiya amāŋ ɔncɛnya uwɔ a ka ɛhi ɔɔma jɛ uwɔ eyī. Ujehofa mla Ujisɔsi je ɛhi nōo fiyɛ duu nɛ alɔ lɔfu miyɛ a lɛ alɔ. Ɔdi nōó wɛ a, ɛgɛnyá nɛ alɔ kē gáā mafu ku ɛhi a jɛ alɔ eyī a?

1. Ɔdi wɛ ɔwɛ éyi ō mafu ku ɔdā nɛ Ɔwɔico mla Ukraist ya a jɛ alɔ eyī a?

Ubáyíbu cokonu ka “ɔ̄cɛ dúúmā nōo lɔtūce [Ujisɔsi]” lɔfu lā oyeeyi opiyoo. (Ujɔ́ni 3:16) Ɛgɛnyá nɛ alɔ lɔfu ya ɛnyā a? Alɔ cika ō mafu ɔtu okpoce ku alɔ ŋma lɛ ɔdā nɛ alɔ gē miya ō ya mla aɔdā nɛ alɔ gē ya a. (Ujɛ́mīsi 2:17) Ɔdaŋ ku alɔ mafu ɔtu okpoce ku alɔ ŋma lɛ ɔdā nɛ alɔ gē ya mla ɔdā nɛ alɔ gē ka a, alɔ géē ya ku ɛma nɛ alɔ lɛ mla Ujisɔsi mla Adā nu nōo yɔ ɔkpanco a kōó lɔfu tōōtɔ̄ɔ̄.—Jé Ujɔ́ni 14:21.

2. Ɛnɛɛnɛ ōjila nyá gē ta alɔ abɔ mafu ka ɔdā nɛ Ujehofa mla Ujisɔsi ya a jɛ alɔ eyī a?

Otu amoomɛ gbɔbu ku Ujisɔsi kóō kwū a, ó da ayikpo ku nu lɛyikwu ɔwɛ ɔhá néē lɔfu mafu ku ɛya nɛ ó gwo a jɛ uwa eyī a. Ó da uwa kéē jila tɔha ku ɛnɛɛnɛ ōjila éyi nɛ Ubáyíbu hi ka “ɔdōlé ɔ̄nɔ̄ɔ̄nɛ̄,” nōo klla wɛ Oblatu Ku Ikwū Ku Ukraist a. (1 Ācɛ Ukɔ́rīnti 11:20) Ujisɔsi dɔka ku ayikpo ku nu mla ɛjɛɛji Ācɛ O Yɛce Ukraist igbihi uwa kéē bla ka ó je oyeeyi ku nu gwɛɛya ohigbu alɔ. Lɛyikwu oblatu nyā, ó je ɔ́da kahinii: “Aá yá ɛ̄nyā ká aá bī le blakwu um.” (Ulúku 22:19) Eko duuma nɛ a nyɔ gā Oblatu Ku Ikwū Ku Ukraist, a gē mafu ka ihɔtu nɛhi nɛ Ujehofa mla Ujisɔsi lɛ alɔ a jɛ uwɔ eyī.

 JÉ GƆBU

3. Ɔdi nɛ alɔ lɔfu ya ō mafu ku ɛya nɛ Ujisɔsi gwo a jɛ alɔ eyī a?

Leyi yɛ ɔ ku ɔcɛ éyi lɛ oyeeyi ku uwɔ nyata ŋma ipu eŋkpɔ nōo dɔka ō je uwɔ a. A géē je ɔdā nɛ ɔcɛ ɔɔma ya gā uwɔ a mlanyi iciici nɛɛ? Kɛɛ ku a géē dɔka ɔwɛ nɛ a géē mafu lɛ ɔ ku ɔdā nɛ ó ya gā uwɔ a jɛ uwɔ eyī?

Alɔ bi Ujehofa ule ku oyeeyi ku alɔ. Jé 1 Ujɔ́ni 4:8-10, cɛɛ ku aa kɔka lɛyikwu aɔka nōo ba nyā:

• Ɔdiya nɛ ɛya nɛ Ujisɔsi gwo a wɛ ɛhi nōó lɛ ɛdɔ ŋ ma?

• Ɛgɛnyá nɛ ɔtu gē ya uwɔ lɛyikwu ɔdā nɛ Ujehofa mla Ujisɔsi ya gā uwɔ a?

Ɛgɛnyá nɛ alɔ gáā mafu ku ɔdā nɛ Ujehofa mla Ujisɔsi ya a jɛ alɔ eyī a? Jé 2 Ācɛ Ukɔ́rīnti 5:15 mla 1 Ujɔ́ni 4:11; 5:3. Igbihi nɛ aa lɛ eyeeye ku ɛga ku Ubáyíbu a jé, aa kɔka lɛyikwu ɔka nyā:

• Oŋma ɛlā nōo yɔ ipu ɛga ku Ubáyíbu nyā, ɔdi nɛ alɔ lɔfu ya ō mafu ku ɔdā nɛ Ujehofa mla Ujisɔsi ya a jɛ alɔ eyī a?

4. Gbla Ujisɔsi Ya

Ɔwɛ ɔhá nɛ alɔ lɔfu mafu ku ɔdā nɛ Ujehofa mla Ujisɔsi ya a jɛ alɔ eyī a wɛ ō gbla Ujisɔsi ya. Jé 1 Upíta 2:21, cɛɛ ku aa kɔka lɛyikwu ɔka nyā:

• Ɔwɛ nyá nɛ alɔ lɔfu yɛce ocabɔ ku Ujisɔsi lɔɔlɔhi a?

• Ɔdi gē ya eko ka Oblatu a?

 ƆDI NƐ A NWU A?

Alɔ gē mafu ka ɔdā nɛ Ujisɔsi ya lɛ alɔ jɛ alɔ eyī ŋma lɛ ō mafu ɔtu okpoce lɛ ɔ mla ō gā Oblatu ku ikwū ku nu.

Aɔka ō tu alɔ ɛlá kwu ɔdā nɛ alɔ nwu

• Ɔdi wɛ ɛyi ku ō mafu ɔtu okpoce lɛ Ujisɔsi a?

• Ɛgɛnyá nɛ a géē dɔka ō mafu ku ɔdā nɛ Ujehofa mla Ujisɔsi ya gā uwɔ a jɛ uwɔ eyī a?

• Ɔdiya ɛɛ nōó cɛgbá nɛɛnɛhi ku alɔ gā Oblatu Ku Ikwū Ku Ukraist a?