ƐLĀ Ō NWU ƆMƐ 01

Ɛgɛnyá Nɛ Ubáyíbu Lɔfu Ta Uwɔ Abɔ A?

GBƆƆ

Ɛyinɛhi ku alɔ lɛ ɔka ō da lɛyikwu oyeeyi, owe, ikwū mla ɛcɔbu. Alɔ klla cɛgbá otabɔ lɛyikwu unwalu ɛyɛɛyɛyi bɛɛka ō lɛ ije nōo géē jɛ alɔ ō ya ɛgbá ku alɔ amāŋ ō lɛ eeye mla ɛbɔ ipu apɔlɛ ku alɔ. Ācɛ alɛwa le má ku Ubáyíbu i gē cila ōhī ku aɔka ku uwa foofunu ŋ, amáŋ ukɔ́ nōo yɔ ipu nu a gē ta uwa abɔ lā oyeeyi ku ɛ̄cī doodu. Ɛjɛɛji ācɛ lɔfu lɛ itene ŋma Ubáyíbu gla.

1. Aɔka nyá nɛ Ubáyíbu je ohi ku uwa a?

Ubáyíbu je ohi ku aɔka nyā: Ɛgɛnyá nɛ oyeeyi gbɔɔ a? Ɔdi wɛ itene ku oyeeyi a? Ɔdiya nɛ ācɛ gē má owe a? Ɔdi gē ya da ɔcɛ eko nɛ ó gekwu a? Ɔdaŋ ka ɛjɛɛji ācɛ dɔka ɛbɔ, ɔdiya nɛ ācɛ gē kpo ɛfu a? Ɔdi gáā ya ɛcɛ nyā ɛcɔbu a? Ubáyíbu ta alɔ ɔtu kwu ɔtu ō dɔka ohi ku aɔka nyā. Umiliyɔn ku ācɛ kē lɛ ohi ku aɔka nyā jé ɛ.

2. Ɛgɛnyá nɛ Ubáyíbu gáā ta alɔ abɔ jɔɔnyɛ oyeeyi ku ɛ̄cī doodu a?

Ubáyíbu gē je ɛnɛɛnɛ ukɔ́ lɛ alɔ. Ocabɔ, ó gē nwu apɔlɛ ɛgɛ néē géē lɛ eeye ɔkwɛyi a. Ó gē nwu alɔ ɔdā nɛ alɔ cika ō ya eko nɛ abɔ hɛ alɔ iyē mla ɛgɛ nɛ alɔ géē jɔɔnyɛ uklɔ ku alɔ. A géē nwu ɛlā nɛ Ubáyíbu ka lɛyikwu aikpɛyi ɛlā nyā mla aɔdā alɛwa ɔhá abɔ alɔ yɔ i klɔcɛ ɔkpá nyā tɔha a. A géē wa i má ɔkwɔɔkwɛyi ka “ɛ̄jɛ̄ɛ̄jī ɛlɔ̄ɔwɔicō [ɛjɛɛji ɛlā nōo yɔ ipu Ubáyíbu a] . . . tīile kéē le ɔ́ nwū ɛlā ɔkwɛyi.”—2 Utímōti 3:16.

Ɔkpá nyā i kwɛyi ku Ubáyíbu nóó. Ikɔkɔ ɔɔma, ɔkpá nyā géē ta uwɔ abɔ ku a leyi yɛ Ubáyíbu abɔyi uwɔ. Ohigbu ɛnyā, alɔ yɔ i tu uwɔ ɔtu kwu ɔtu ku a jé aɛga ku Ubáyíbu nōo yɔ ipu aɛlā ō nwu nyā, ku a klla lɛ aɛga a miya mla ɔdā nɛ a yɔ i nwu a.

JÉ GƆBU

Nwu ɛgɛ nɛ Ubáyíbu ta ācɛ abɔ ɛ ma, ɛgɛ nɛ a géē jɔɔnyɛ ō jé Ubáyíbu, mla ɔdā nōo ya nōó lɔhi ku a miyɛ otabɔ o ya ɛɛ ku a jɛyi ku Ubáyíbu a.

3. Ubáyíbu lɔfu gbo alɔ gla

Ubáyíbu lɛbɛɛka ɔla ofiyaajɛ nɛhi a. Ubáyíbu lɔfu ta alɔ abɔ ya ōmiya ɔwɛ olɔhi, ó klla gē ta alɔ abɔ jé ɔdā nōo géē ya ɛcɔbu.

Jé Aíjē Kú Ɛ̄gbā 119:105, cɛɛ ku aa kɔka lɛyikwu aɔka nōo ba nyā,

Ɛgɛnyá nɛ ɔcɛ nōo ta ɔkpá ku Aíjē Kú Ɛ̄gbā a má Ubáyíbu lɛ a?
Abɔ a má Ubáyíbu lɛ?

4. Ubáyíbu lɔfu cila ohi ku aɔka ku alɔ

Ɛ́nɛ́ éyi gáā le má ka Ubáyíbu lɛ ohi ku aɔka nōo humayi junwalu lɛ ɔ ihayi alɛwa ɛ ma. Lɛ UVIDIO nyā mafu, cɛɛ ku aa kɔka lɛyikwu aɔka nōo ba nyā.

UVIDIO: Ɛ̄jɛ̄ Ku Eyiyoce Kóō Hii Jɛ Uwɔ Ŋ! (1:48)

Ipu uvidio a, aɔka nyá nɛ ɛ́nɛ́ a da a?
Ɛgɛnyá nɛ oklɔcɛ ku Ubáyíbu ta ɔ abɔ a?

Ubáyíbu ta alɔ ɔtu kwu ɔtu ō bēē da ɔka. Jé Umátiyu 7:7, cɛɛ ku aa kɔka lɛyikwu ɔka nyā.

Aɔka nyá nɛ a lɛ ō da nɛ Ubáyíbu lɔfu cila ohi ku nu gla a?

5. A lɔfu jɔɔnyɛ ō jé Ubáyíbu

Ācɛ alɛwa gē jɔɔnyɛ ō jé Ubáyíbu, é kē yɔ i lɛ itene ŋma anu. Lɛ UVIDIO nyā mafu, cɛɛ ku aa kɔka lɛyikwu aɔka nōo ba nyā.

UVIDIO: Ubáyíbu Ō Jé (2:05)

Ipu uvidio a, ɛgɛnyá nɛ ɔtu gē ya aɛdrɔ lɛyikwu ɔkpá ō jé a?
Ɔdiya nɛ ɔtu kē ya uwa ɛyɛɛyi lɛyikwu Ubáyíbu ō jé a?

Alɔ lɔfu miyɛ ukɔ́ nōo géē ta alɔ ɔtu kwu klla jé eyiyoce lɛ alɔ ŋma ipu Ubáyíbu gla. Jé Ācɛ Uróm 15:4, cɛɛ ku aa kɔka lɛyikwu ɔka nyā:

A gē dɔka ō jé odee lɛyikwu okonu ō ce ku ɔtu ō tu kwu ɔtu mla eyiyoce nōo yɔ ipu Ubáyíbu a?

6. Ācɛ ɔhá lɔfu ta alɔ abɔ ku alɔ jɛyi ku Ubáyíbu gla

Abɔ ācɛ yɔ i jé Ubáyíbu abɔyi uwa a, alɛwa ku uwa gáā le má ka ɔka ō ka lɛyikwu Ubáyíbu mla ācɛ ɔhá gē le itene. Jé Úklɔ́ kú Ācotɛ̄hɔ̄ 8:26-31, cɛɛ ku aa kɔka lɛyikwu ɔka nyā: