OKLƆCƐ ƆMƐ 12
Ō Kɛla Mla Ɔtu Ogbonɛɛ Mla Eyinyinyi
1 Ācɛ Utesaloníka 2:7, 8
ƆDĀ NƐ A CIKA Ō YA: Kɛla ŋma ɔtu ku uwɔ, mafu lɛ ācɛ nōo yɔ i jahɔ gā uwɔ a ku a yihɔtu uwa klla dɔka ō ta uwa abɔ.
ƐGƐ NƐ A GÉĒ YA Ɔ A:
-
Bi ācɛ nōo gáā jahɔ gā uwɔ a ɔtu. Lɛ ɔtu ku uwɔ tutu, ŋma lɛ ō blakwu ɛdɔ unwalu néē gē má a. Ceyitikwu ku a gbɛla lɛyikwu ɛgɛ nɛ ɔtu biya lɛ uwa lɛ a.
-
Leyi kwɛɛcɛ ku a jé ɛdɔ ɛlā nɛ a cika ō ka a. Ceyitikwu ku a kɛla ō gbo ɔtu nɛɛ, ɛlā ō tu ɔtule, mla ɛlā nōo géē lɛ ɔfu ta ācɛ nōo yɔ i jahɔ gā uwɔ a iyē. A hii kɛla duuma nōo géē ya uwa cɔnu amāŋ ka ɔdobɔbi duuma lɛyikwu ācɛ nōó gē gba Ujehofa mla ɔdā néē kpɔtuce a ŋ.
-
Mafu kē je uwɔ éyi. Mafu ku a lɛ ɛlá wu ācɛ nōo yɔ i jahɔ gā uwɔ a, oŋma lɛ ō bi ɔkɛla nōo gē gbɔtu nɛɛ le kɛla lɛ uwa mla ō ya iyē amāŋ abɔ ku uwɔ ɔwɛ nōo cika. Lɛ ɛlá kwu ɛgɛ nɛ a gē ya eyī ku uwɔ a; yɛhɛ ŋma eko ta eko.
