Bup Kudus ngembuan mayuh cherita lelaki enggau indu ke kala ngasaika mayuh macham emosi baka kitai. Seraya kitai macha cherita sida, kitai engka ulih tetemuka chunto orang dalam Bup Kudus ke sama baka kitai.

Semua kitai dekaka orang bukai faham asai ati kitai. Kelebih agi lebuh maya kitai napi penanggul ba pengerai mental. Maya kitai macha Bup Kudus, kitai ulih belajar pasal sida ke kala ngasaika tauka kala napi utai ti sama baka kitai. Enggau chara tu, kitai nemu diri enda kediri napi pemerinsa tu.

• Bup Kudus ngembuan mayuh cherita orang ke kala ngasaika diri nadai guna sereta balat tetekan. Kala nuan ngasaika, ‘Aku enggai idup agi’? Moses, Elijah enggau David kala ngasaika asai ati tu.—Penyampau 11:14; 1 Raja 19:4; Masmur 55:4.

• Bup Kudus madahka pasal siku indu ke benama Hanah ti “balat amat tusah,” laban iya enda ulih ngandung lalu selalu dikeleseka madu iya.—1 Samuel 1:6, 10.

• Bup Kudus madahka pasal siku lelaki ke benama Jop. Kitai engka ulih ngasaika utai ke diasaika iya. Taja iya ngembuan pengarap ti kering ngagai Jehovah, tang iya mega napi pemerinsa ba emosi lalu kala madah, “Aku enggai agi idup. Aku nyau lelak idup.”—Jop 7:16.

Ari belajarka cherita orang ba Bup Kudus, kitai mega ulih bulih pengering ke diguna kena kitai napi pemerinsa kitai enggau mujur.