2 | ‘Bup Kudus Meri Kitai Peransang’

TEBAH

KU BUP KUDUS: “Semua utai ke udah ditulis dulu kelia ba Bup Kudus endang ditulis kena ngajar kitai, laban Bup Kudus nulung kitai betan sereta meri kitai peransang. Nya alai, kitai andal nganti utai ke deka diberi Petara jemah ila.”—ROME 15:4.

Reti Iya

Bup Kudus ngembuan jaku ti meransang ke ulih nulung kitai bulih pengering sereta betan ngelaban runding ti negatif. Bup Kudus mega bisi nyebut pasal harapan ti madahka dudi hari nadai agi pemerinsa ba emosi.

Baka Ni Tu Ulih Nulung?

Semua kitai kala berasai tusah ati. Tang, orang ke bisi kemurungan tauka bisi penyakit balat irau engka seruran berasai tusah ati. Baka ni Bup Kudus ulih nulung?

Bup Kudus ngembuan mayuh jaku ti positif ke ulih nganti runding ti negatif. (Pilipi 4:8) Tu ulih ngisi runding kitai enggau utai ti meransang sereta ngelantangka ati kitai. Enggau chara tu, kitai ulih nagang emosi diri empu.—Masmur 94:18, 19.
Bup Kudus ulih nulung kitai ngelaban runding ke ngumbai diri nadai guna.—Luke 12:6, 7.
Mayuh ari ayat Bup Kudus ngasuh kitai andal, kitai enda kediri. Lalu, Petara kitai amat-amat ulih faham asai ati kitai.—Masmur 34:18; 1 John 3:19, 20.
Bup Kudus besemaya, Petara deka muai semua pengingat ti enda manah. (Isaiah 65:17; Pemandang 21:4) Lebuh kitai merinsa ba runding sereta emosi, kitai ulih ngasaika semaya tu meri kitai pengering kena neruska pengidup.

Baka Ni Bup Kudus Ulih Nulung Jessica?

Nama Kesan Kemurungan ngagai Aku?

“Lebuh aku 25 taun, aku balat stress sereta irau lalu ditemu bisi penyakit kemurungan. Aku mega merinsa ketegal ingatka utai ti enda manah ke kala nyadi ba pengidup aku suba. Lutur nerangka, penyakit kemurungan aku nyadi ketegal runding ti negatif ke datai ari utai ti enda manah ke kala nyadi ba pengidup aku. Kelimpah ari chara berubat ti betul, aku mega begunaka bantu ngambika aku nemu ni bagi runding ti negatif, lalu baka ni chara ngemetulka runding nya.”

Chara Bup Kudus Nulung Aku

“Lebuh aku balat kena kemurungan, aku selalu kena panic attack, balat irau, sereta enda ulih tinduk. Maya malam hari, aku berasai lelak ketegal aku enda ulih ngetu berunding. Baka ke dipadah ba Masmur 94:19, Petara ulih merindang sereta ngasuh ati kitai lantang taja pan kitai benung napi pengirau. Nya kebuah aku bisi Bup Kudus enggau bup nota ke ngembuan mayuh ayat ti meransang semak endur aku tinduk. Lebuh aku enda ulih tinduk, aku macha sekeda ari ayat Bup Kudus ke ulih ngelantangka ati aku.

“Bup Kudus nulung kitai ngelaban runding ke enda sejalai enggau runding Petara. Suba, aku ngumbai diri nadai guna, nadai orang sayau, sereta nadai tuju. Tang udah nya aku nemu, runding ke baka tu enda sejalai enggau ajar ba Bup Kudus, laban Petara endang pengerindu sereta Apai ti ibuhka tiap iku kitai. Belubah-lubah aku nguji nguasa runding aku ari ke runding aku nguasa aku. Aku mega belajarka nitihka chara Petara meda aku. Tu chara ti penting kena aku ngelaban runding ti negatif pasal aku empu.”

“Aku enda sabar nganti maya semua pengingat ti enda manah sereta runding ti ngemedis nadai agi. Aku nemu jemah ila nadai agi penanggul ba pengerai mental. Tu nulung aku betan ngelaban pemedis aku ke diatu, seraya aku nganti harapan ke jemah ila maya penyakit kemurungan nadai agi.”

Artikel Besangkut

Pemerinsa Saut Ngagai Tanya Pasal Bup Kudus

Nuan Engka Rindu Meda Tu

SAUT NGAGAI TANYA PASAL BUP KUDUS

https://cms-imgp.jw-cdn.org/img/p/2023006/univ/art/2023006_univ_sqr_xl.jpg

wp23 No. 1 lamb. 8-9

Saksi-Saksi Jehovah

2 | ‘Bup Kudus Meri Kitai Peransang’

Reti Iya

Baka Ni Tu Ulih Nulung?

Artikel Besangkut

Nuan Engka Rindu Meda Tu

Kati Ulih Aku Tetemuka Jaku ti Ngelantangka Ati dalam Bup Kudus?

Aku Bisi Kemurungan. Ulih Bup Kudus Nulung Aku?

Ulih Kitai Nyadi Pangan Petara?

Pengelantang ba Maya ti Tusah

Pinta Datai

‘Bup Kudus Meri Kitai Peransang’

PILIH FAIL KENA DOWNLOAD

Reti Iya

Baka Ni Tu Ulih Nulung?

Artikel Besangkut

Nuan Engka Rindu Meda Tu

PILIH FAIL KENA DOWNLOAD

Pilih Bansa Jaku Nuan

Kunsi