SEKULA PENGINJIL PERINTAH PETARA Pengerintis ke beumur entara 23 ngagai 65 taun, ke bisi ati deka ngemansangka pengawa nginjil sida, ulih datai ngagai aum peminta ba Sekula Penginjil Perintah Petara, kena lemai Hari Minggu. Endur enggau jam aum tu deka dipadahka.

ATENDAN Atendan diatur ngambika nulung nuan. Bekerejasama meh enggau sida ba pengawa ke bekaul enggau endur parking, pejalai bala mayuh, endur penuduk, sereta utai bukai.

BAPTISA Penuduk chalun baptisa udah disediaka ba mua pentas. Chalun baptisa patut udah duduk ba dia sebedau cheramah baptisa berengkah kena pagi Hari Enam. Sida patut mai kain mandi enggau gari ke ngena.

PEMERI Mayuh belanja udah dikena nyediaka penuduk ti chukup, perengka audio enggau video, sereta utai bukai ngambika konvensyen tu ngerinduka ati sereta nulung kitai semak agi ngagai Jehovah. Pemeri ari nuan ulih nyukung pengawa tu sereta nyukung pengawa bukai di serata dunya. Kutak pemeri ke udah ditandaka bisi diengkah ba palan gempuru besai tu. Kami beterima kasih ke semua pemeri ari kita. Raban ti Ngiring mega beterima kasih ke sukung ari kita.

KUTAK UBAT Kingatka, bantu tu semina dikena maya PEDIS NGENYIT AJA.

LENYAU ENGGAU TEMU Barang ke enda temu sapa ngempu patut diberi ngagai Begian Lenyau enggau Temu. Enti nuan bisi lenyau nama-nama utai, datai meh ngagai begian tu lalu giga barang nuan ke lenyau nya. Anak mit ke tesat ari apai indai patut dianjung ngagai begian tu. Jaga meh anak nuan empu, lalu tentuka sida selalu begulai enggau nuan.

PENUDUK Berunding meh pasal orang bukai. Kingatka, nuan patut semina ngalau penuduk ke diri sebilik, orang ke nepan rengka pengangkut ti sama enggau nuan, sama diau, tauka orang ke belajar Bup Kudus enggau nuan. Anang ngengkahka barang ba penuduk ke enda digalau nuan.

BEGIAN SUKARELA Enti nuan bisi ati deka nulung ba pengawa maya konvensyen, nuan ulih madahka diri ngagai begian tu.