Nama Deka Nyadi Jemah Ila?

TEBAH

Kati dunya tu . . .

enda berubah?
majak jai?
majak manah?

NAMA DIPADAH BUP KUDUS

“Iya deka ngendas semua ai mata ari mata sida, lalu pemati nadai agi, nadai agi ngulit, nadai agi nyabak, nadai agi pedis, laban utai ti lama nyau nadai agi.”—Pemandang 21:4, Bup Kudus Baru.

NAMA RETI NYA BA NUAN

Pengawa ti ngemuaska ati.—Isaiah 65:21-23.

Nadai agi penyakit tauka pemerinsa.—Isaiah 25:8; 33:24.

Idup lantang belama iya enggau diri sebilik sereta enggau bala pangan.—Masmur 37:11, 29.

ULIH KITAI ARAPKA UTAI TI DIPADAH DALAM BUP KUDUS?

Ulih, uji pikirka dua iti kebuah tu:

Petara bisi kuasa ngereja utai ti dijanji Iya. Ba Bup Kudus, semina Petara Jehovah digelar “Pemadu Bekuasa.” (Pemandang 15:3) Reti nya Iya ulih ngereja semua janji Iya ti deka mutarka dunya tu nyadi manah. Ku Bup Kudus, ‘ba Petara semua utai ulih magang.’—Matthew 19:26.
Petara bisi ati ngereja janji Iya. Ngambika chunto, Jehovah gaga ati deka ngangkatka orang ti udah mati.—Jop 14:14, 15.

Bup Kudus mega madahka Anak Petara, Jesus ngeraika orang ti sakit. Nama kebuah iya ngereja nya? Laban ati iya ka. (Mark 1:40, 41) Jesus nitihka Apai iya ti gaga ati nulung orang.—John 14:9.

Nya alai kitai ulih arapka Jehovah enggau Jesus deka nulung kitai ngulihka pengidup ti lantang jemah ila!—Masmur 72:12-14; 145:16; 2 Peter 3:9.

UJI PIKIRKA

Baka ni Petara deka ngubah dunya tu nyadi manah?

Bup Kudus meri saut nya ba MATTHEW 6:9, 10 enggau DANIEL 2:44.

Nuan Engka Rindu Meda Tu

MENARA JAGA

Utai ti Bendar Pasal Jemah Ila

Keringka pengadang nuan pasal utai ke dipadahka Petara, iya nya pasal nama nyadi ngagai dunya enggau mensia ke idup ba dunya tu jemah ila.

TOPIK BUKAI

Pengadang ti Bendar Pasal Jemah Ila

Nama kebuah semaya ke ditulis dalam Bup Kudus ulih dikeandalka ari jaku orang ke bedau temu betul enda?

ESSENTIAL BIBLE TEACHINGS

Nama Reti Perintah Petara?

Lebuh Jesus nginjil, iya ngajar mayuh agi pasal Perintah Petara ari utai bukai. Beribu taun, nembiak iya udah besampi ngambika Perintah Petara tu datai.

MENARA JAGA

Nama Deka Digaga Perintah Petara?

Jesus nemu semina Perintah Petara ulih mutarka semua penanggul ba dunya. Nama utai ke udah digaga Peirntah Petara ti ulih ngemansangka pengandal kitai?