Nyediaka diri enggau manah. Pansik utai ti deka dikenataika nuan ngambika nuan ulih nemu poin ti patut dikemeratka, lalu baka ni ayat Bup Kudus nyukung poin nya. Terangka poin nya ngena leka jaku ti senang. Perundingka baka ni utai nya ulih nulung peninga nuan. Besampi minta roh kudus.

Kena leka jaku ti ngayanka nuan pechayaka utai ti disebut nuan. Ari ke nandu leka jaku ti sama ba litaricha, kena meh leka jaku nuan empu. Pilih leka jaku ti nunjukka nuan pechayaka utai ti disebut nuan.

Bejaku enggau ransing sereta ari ati. Bejaku enggau penginggar nyawa ti pengumbas iya. Nuan ulih meda mua peninga nuan, enti nya ulih diterima sida.