PELAJAR 21
Baka Ni Pengawa Nginjil Dipejalaika?
Nengah Perintah Petara, Jehovah deka muai semua penanggul mensia. Tu berita ti amat manah. Nya meh kebuah Jesus ngasuh bala murid iya bekunsika berita manah pasal Perintah Petara ngagai semua orang! (Matthew 28:19, 20) Baka ni Saksi-Saksi Jehovah nitihka pesan Jesus tu?
1. Baka ni Matthew 24:14 dikeamatka kemayaharitu?
Jesus madahka: ‘Berita Manah pasal Perintah Petara deka ditusui di serata dunya.’ (Matthew 24:14) Saksi-Saksi Jehovah ba serata dunya ngerembaika berita manah dalam lebih ari 1,000 bansa jaku! Kami amat gaga ati ngereja pengawa tu. Pengawa tu tentu enda mujur enti nadai atur ti manah sereta bantu ari Jehovah.
2. Baka ni kami nginjil?
Baka orang Kristian ba abad keterubah, kami nginjil ngagai orang “ari rumah sebuah ngagai rumah sebuah.” (Surat Kereja Rasul 5:42, nota kaki.) Enggau chara tu kami ulih nginjil ngagai bejuta iku orang. Tang mayuh orang enda seruran ba rumah. Nya alai, kami mega nginjil ba endur orang mayuh. Kami enggau naka ulih ngiga orang ba sebarang endur ngambika kami ulih bekunsika berita pasal Jehovah enggau tuju Iya.
3. Sapa patut nginjil?
Semua orang Kristian ti bendar bisi tanggungjawap ngereja pengawa nginjil. Kami ngereja pengawa tu enggau ransing nitihka utai ke ulih digaga kami. Kami ngumbai pengawa tu amat berat laban pengawa tu bisi kaul enggau nyawa orang. (Bacha 1 Timoti 4:16.) Kelimpah ari nya, pengawa tu mega sebagi ari sembah kami ngagai Jehovah. Kami enda dibayar ngereja pengawa tu laban Bup Kudus madah: “Kita udah nerima ngena chara pechuma, nya alai beri ngena chara pechuma.” (Matthew 10:7, 8) Ukai semua orang deka nerima pesan kami. Tang kami neruska pengawa tu laban pengawa nginjil nya sebegian ari sembah kami lalu nya ngagaka ati Jehovah.
BELAJAR MAYUH AGI
Belajar mayuh agi pasal pengawa nginjil Saksi-Saksi Jehovah ba serata dunya. Peda meh chara Jehovah nulung kami.
Nginjil di serata dunya: (A) Costa Rica, (B) Amerika Serikat, (C) Benin, (D) Thailand, (E) Yap, (F) Sweden
4. Kami enggau naka ulih nginjil ngagai semua orang
Saksi-Saksi Jehovah bebendar nginjil ngagai semua endur. Mainka VIDEO, lalu kerandauka tanya tu.
-
Nama utai ti ngalitka ati nuan lebuh meda pengawa ti digaga Saksi-Saksi Jehovah ngambika sida ulih nginjil?
Bacha Matthew 22:39 enggau Rome 10:13-15, lalu kerandauka tanya tu:
-
Baka ni pengawa nginjil mandangka pengerindu kami ngagai orang bukai?
-
Nama asai ati Jehovah ngagai orang ke ngereja pengawa nginjil?—Peda ayat 15.
5. Kami sama gawa enggau Petara
Mayuh peneleba nunjukka Jehovah benung ngiring pengawa nginjil kami. Ambika chunto, ba New Zealand, Paul betemu enggau seiku indu lebuh nginjil ari rumah ke rumah. Pagi nya, indu nya udah besampi ngagai Petara ngena nama Petara, Jehovah. Indu nya besampi ngagai Petara ngambika nganjung seiku orang ngelawa iya. Ku Paul madah, “Tiga jam udah nya, aku datai ke rumah iya.”
Bacha 1 Korint 3:9, lalu kerandauka tanya tu:
-
Baka ni peneleba ke baka tu nunjukka Jehovah benung ngiring pengawa nginjil?
Bacha Surat Kereja Rasul 1:8, lalu kerandauka tanya tu:
-
Nama kebuah kami begunaka bantu ari Jehovah kena ngereja pengawa nginjil?
Nemu nuan?
Ba tiap gempuru tengan minggu, kami nerima latih kena nginjil. Kala nuan datai ngagai gempuru tu? Nama runding nuan pasal latih ke diberi?
6. Kami ngasika pesan Petara ke ngasuh kami nginjil
Murid Jesus ba abad keterubah disakal lebuh sida nginjil. Tang sida ngena sistem undang-undang ngambika ulih ngetanka hak madahka berita manah. (Pilipi 1:7) Saksi-Saksi Jehovah ngereja utai ti sama kemayaharitu. a
Bacha Surat Kereja Rasul 5:27-42, lalu kerandauka tanya tu:
-
Nama kebuah kami tetap deka nginjil?—Peda ayat 29, 38, enggau 39.
ORANG ENGKA NANYA: “Nama kebuah Saksi-Saksi Jehovah nginjil ari rumah ke rumah?”
-
Nama saut nuan?
LANSA
Jesus ngasuh semua murid iya nginjil ngagai orang ari semua bansa. Jehovah nulung nembiak Iya ngereja pengawa tu.
Ulang Kaji
-
Baka ni pengawa nginjil dipejalaika di serata dunya?
-
Baka ni pengawa nginjil nunjukka kami rinduka orang bukai?
-
Kati nuan ngasaika pengawa nginjil ulih ngasuh nuan gaga ati? Nama kebuah?
ARAM BELAJAR
Peda baka ni pengawa nginjil dipejalaika ba nengeri ti besai.
Pengawa Nginjil ti Spesial di Nengeri ti Besai ba Paris (5:11)
Baka ni Saksi-Saksi Jehovah nginjil ngagai orang ke rari ari menua bukai?
Nulung Negapka Pengarap Orang ke Rari ari Menua Bukai (5:59)
Dinga meh peneleba seiku indu ti gaga ati ngena pengidup iya ba pengawa nginjil.
Peratika sekeda pemutus kot ke ngetanka hak kami ngambika ulih nginjil.
“Ngetanka Hak Kitai ba Kot” (Perintah Petara Benung Merintah!, bagi 13)
a Petara ke ngasuh kami nginjil. Nya alai, Saksi-Saksi Jehovah enda begunaka pemendar ari piak ti bekuasa ngambika ulih nginjil.
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
