Maya kitai tusah ngiga kereja sekular, kitai engka tusah ngenuluka Perintah Petara enggau pengelurus Iya ba pengidup kitai. Nama kebuah? Laban, pengarap kitai engka diuji lebuh kitai diasuh nerima kereja ke ngasuh kitai tusah deka gawa ke Jehovah tauka enda sejalai enggau prinsip Bup Kudus. Tang kitai pechaya, Jehovah deka “meri pengering ngagai orang ke taluk ngagai Iya.” (2 Ban. 16:9) Nadai utai ulih nagang Iya ari nulung sereta nyediaka utai ke diguna kitai. (Rom. 8:32) Nya alai, lebuh ngaga pemutus pasal kereja sekular, kitai patut arapka Jehovah lalu seruran betumpu ba pengawa ke Jehovah.—Mas. 16:8.

PEDA VIDEO BEKEREJA ENGGAU PENGABIS ATI KE JEHOVAH, LALU SAUT TANYA TU:

• Nama kebuah Jason nulak pengawa makai suap?

• Baka ni kitai ulih ngena Kolosi 3:23 ba pengidup kitai?

• Baka ni teladan manah Jason nulung Thomas?

• Baka ni kitai ulih ngena Matthew 6:22 ba pengidup kitai?