Bup Kudus nangkan kitai ari nerima darah. Nya alai, kitai enda patut nerima tauka meri darah, sereta makai darah. Peratika beberapa iti ayat tu:

•   Pemungkal 9:4. Pengudah Bah Besai nyadi, Petara ngemendarka Noah sebilik makai dagin, tang enda tau makai darah ari dagin nya. Petara madahka Noah: “Tang kita enda tau makai dagin ti agi bedarah, laban darah ngundan seput.” Pesan tu diberi ngagai semua mensia, laban semua orang datai ari peturun Noah.

•   Adat Lewi 17:14. ‘Seput semua utai ti idup nya dalam darah sida. Nya kebuah Petara udah madahka ngagai orang Israel, sida enda tau makai dagin ti agi bedarah. Semua orang ke makai dagin ti agi bedarah, deka [diukum mati, NWT].’ Ba mata Petara, nyawa seseiku orang bisi dalam darah, lalu nyawa nya enggi Petara. Taja pan ukum tu diberi ngagai bansa Israel, tang ari ukum tu, nunjukka Petara amat beberatka pasal ukum enda tau makai darah.

•   Kereja Rasul 15:20. Pesan ke diberi Petara ngagai orang Kristian, sama enggau pesan ke diberi ngagai Noah, iya nya “enda tau makai darah.” Nitihka sejarah, orang Kristian kelia enda makai darah tauka ngena darah, taja pan nya bekaul enggau chara berubat.

Nama kebuah Petara mesan kitai ngenyauhka diri ari darah?

 Nitihka pansik, chara berubat enggau nerima darah ulih ngachau pengerai. Taja pia, kebuah ti berat Petara dekaka kitai ngenyauhka diri ari darah, laban darah nya simbul utai ti tuchi sereta nyawa ba mata Petara.—Adat Lewi 17:11; Kolosi 1:20.