“Tji mba u momuinyo Jehova u ndji tunduuza nomaimburiro nge ri ko-JW Broadcasting^®.”—Lorraine, U.S.A.

Ovakriste aruhe ve imbura omaimburiro okutanga Mukuru. (Kol. 3:16) Indu tji we rihongo omaimburiro nga okuza motjiuru, mai ku vatere indu tji u hi nembo romaimburiro, poo okayendjezewa. Oviṋa mbi mavi kongorere mba mavi ku vatere okutjiwa omaimburiro okuza motjiuru.

• Lesa omambo nawa kutja u zuve omaheero wawo. Tji mo tjiwa omaheero wotjiṋa kaaṋi, irira oupupu okutjizemburuka. Omambo womaimburiro wetu ayehe, ngu maye kamburire mo omaimburiro wo-Broadcasting nomaimburiro wovanatje, ye ri ko jw.org. Kehi yorupa ndwi Omambo, twende kOmizumbi.

• Tjangurura omambo ayehe kombapira. Tji wa tjiti nao, matji tjiti kutja irire oupupu okuyezemburuka.—Deut. 17:18.

• Imbura kutja u zuvake. Lesa poo imbura eimburiro ndo povikando ovingi.

• Tara kutja mo yenene okuzemburuka. Rora okuzemburuka omambo ngunda au hi nokutara keimburiro, nu okuzambo tara kutja wa zemburuka yengapi.