Privacy Settings

To provide you with the best possible experience, we use cookies and similar technologies. Some cookies are necessary to make our website work and cannot be refused. You can accept or decline the use of additional cookies, which we use only to improve your experience. None of this data will ever be sold or used for marketing. To learn more, read the Global Policy on Use of Cookies and Similar Technologies. You can customize your settings at any time by going to Privacy Settings.

Twende kovidio oini

Twende komurya

Filipus ma kahururire Omuetiopi Omatjangwa metemba romara yane ndi mari hingwa i yomuhinge.

Hapo ove oo tjiwa?

Hapo ove oo tjiwa?

Omurumendu ombondo wa Etiopie wa ri motjitoore tji tji ri vi indu Filipus tje ya ku ye?

EMBO rOtjigrike ndi “etemba” nda torokwa mOmbeibela yOtjiherero mari yenene okuheya ngamwa otjitoore. (Oviung. 8:​28, 29, 38) Posi yokutja, pe munika aayo Omuetiopi wa ri metemba enene petemba ndi ungurisiwa movita poo movikara. Tara kutja omena raye tji ku za nao.

Omuetiopi wa ri omurumendu wotjihako otjinene nu ngwa toora ouyenda oure. Eye wa ri omurumendu “omunene momatjeverero wovihuze vyombara oserekaze yaEtiopie.” (Oviung. 8:27) OEtiopie otjikuru aari kamburire mo ehi ndi oSudan nehi ndi oEngipte komamuho waro. Nandarire kutja omurumendu ngwi mape ya kaa ungurisa otjitoore tjimwe mouyenda auhe, eye mape ya wa twaerera oviṋa ovingi mbyaavi heperwa po mouyenda oure. Movitoore tjiva mbyaavi toora ovandu meserewondo etenga O.Z. mwa ri ovitoore mbi nomarama yane nu mbya ri nomututu. Embo rimwe ra tja nai ohunga nembo rOviungura vyOvaapostele: “Otjitoore otja iho atja tji kara noruveze orunene okutoora ozondjaṱu noviṋa vyarwe, na tja tji tjita kutja ovandu ve kayende ouyenda oure.”

Omuetiopi aa lese indu Filipus tje ya ku ye. Ombeibela i tja: “Filipus wa tupuka ketemba na kazuva ingwi omurumendu tji ma lese membo romuprofete Jesaja.” (Oviung. 8:30) Omatemba wouyenda kaaye tungwa kutja ye tupuke otjikara otjingi. Mena rokutja etemba aari tupuka otjikara otjiṱiṱi, oro ra tjita kutja omurumendu ombondo ma yenene okulesa nu wina ra tjita kutja Filipus ma yenene okurambera kozombaze nga tje ri vaza.

Omuetiopi “wa isana Filipus kutja a ronde metemba nu a kare pehi puna ye.” (Oviung. 8:31) Metemba rotjikara ovahinge ve yenena okukurama, ku nao metemba nda ungurirwa ouyenda atja pe kara oruveze komurumendu ombondo na Filipus okuhaama.

Mena raimbi mbya tjangwa membo rOviungura ekondwa 8 noviraisiro mekuruhungi, omambo yetu ya uta okuraisa omurumendu Omuetiopi ngu ri metemba enene pu inga ngaaye ungurisiwa movita poo movikara.