Indu tji matu lese Ombeibela, matu yenene okutjita omakonḓononeno okutuvatera okuzuva nawa imbi mbi matu lese. Posi yokutja, eṱe katu nokuvanga okukonḓonona kutja tu kurise ondjiviro yetu yOmbeibela uriri. Nungwari matu vanga okupaha ovihuze mOmbeibela ohunga novikaṋena vya Jehova mbi mavi kurisa orusuvero rwetu ku ye. Okutjita nao, matu yenene okuripura kutja, ‘Hapo ehungi rOmbeibela ndi mari ndji hongo tjike ohunga na Jehova?’

Otjotjihorera, ove mo yenene okupaha kutja omomuano uṋe Jehova me raisa orusuvero, ounongo, ousemba, nomasa. Posi yokutja, ovikaṋena vya Jehova kavya yandera mbo. Eye wina u novikaṋena vyarwe ovingi oviwa mbi mo yenene okurihonga. Hapo ondjiviro onyingi ohunga novikaṋena vye mo i vaza pi?

Tara mokambo nga Okambo komakonḓononeno kOvahongonone vaJehova, kehi yepu ndi “Jehova Mukuru” nokuzambo u tare komambo wokehi nga “Ovikaṋena vya Jehova.” Okuzambo, yandja ombango kovikaṋena mbi mo munu indu tji mo lese Ombeibela yoye.