Ouvidio wOmaworonganeno wotukondwa we tu ṱunine tjinene nokutuvatera okuzuva nawa imbi Ombeibela mbi honga. Omaworonganeno wotukondwa nga, ‘Kareye Nenyando Aruhe’! wombura ndji 2020 mwa ri ouvidio 114, nomahungi 43 nga yandjerwe i youṋepo wOrutu Orunane novavatere vawo. Hapo ove warora okuripura nozongondjero notjimariva tjaa tji hepwa okupitisa ouvidio mbo?

 Ovakambure ovakwetu ape 900 mouye auhe va ungurisa oruveze nounongo wawo okuvatera okupitisa oprograma ndji. Owo va ungura ozoiri ape 100 000 oure wozombura mbari motjiungura ho. Ihi aatji kamburire mo ozoiri 70 000 nḓaa ze hepwa okumana enyando rOmbeibela ndi Nehemiah: “The Joy of Jehovah Is Your Stronghold,” nda ri noure wozominute 76

 Otja tji mape ya oripura, pa ungurisiwa ovimariva ovingi okuvatera ovandu mbe riyandjera oveni novihepwa vyawo nokuvepa oviungurisiwa mbyaave hepa okumuna oviungura

 Jared Gossman ngu ungura morupa wozovidio wa tja, “okomiti ohonge yOrutu Orunane i nonḓero tjinene okuraisa ozombazu pekepeke notuveze ovandu pu ve kara mouvidio wetu. Ihi omena rokutja ovakambure ovakwetu ve ri mouye auhe nu tu vanga kutja ouvidio u raisa otjiṋa hi.” “Ovimbumba 24 momahi 11 pekepeke vya ungura pamwe okuyenenisa ondando ndji. Aape hepa otjimariva otjingi nokutwapo ozondunge pamwe kutja ovandu ve yenene okuungura kumwe mouye.”

 Ouvidio wetu owingi aa u hepa oviungurisiwa vyapeke. Otjotjihorera, oviungurisiwa mbyaavi heperwa po kenyando ndi Nehemiah: “The Joy of Jehovah Is Your Stronghold” vya tungirwe moukoto wo Mt. Ebo studio meṋe ya Patterson, tja New York, U.S.A. Okuungurisa ovimariva vyouharupu momuano omuwa nokutjita kutja okavidio ngo ke raise omakuruhungi nawa, ovakambure ovakwetu va ungura ovivangwa ovipupu mbyaavi munuka tjimuna omakuma wa Jerusalem otjikuru. Otjivangwa atjihe tja ri noure wozometa hamboumwe nu tja ungurirwe pomuti mbwa kutjirirwe noviṋa mbyaavi munika tjimuna ewe. “Ovivangwa” mbi aavi yenene okuungurisiwa kovitjitwa pekepeke, kokutja ape ha ungurwa ovivangwa ovingi. Nandarire nao, otjimariva tji tji ṱapo $100 000 (U.S.) otjaa tji hepwa kokuungura oviṋa vye nyando rOmbeibela uriri. a

 Eṱe twa kara nondangi tjinene indu tji twa za nokutjiwa ohunga noviṋa avihe mbya kayenda po pomaworongeneno wombura ndji. Tu nongamburiro kutja ongondjero ndja tjita kutja otjitjitwa hi tjikare po mai yeta ohiviro ku Jehova mouye auhe. Matu tja okuhepa okuyandja oviyandjewa vyouharupu kotjiungura tjouye auhe okupitira mo donate.jw.org nokupitira moviṋa vyarwe.