Atuhe tu vanga omapanga nge hungira ouatjiri. Jehova u vanga kutja omapanga we ye kare nouatjiri wina. Posi ya okutjita nao kaupupu, mena rokutja tu hupa mouye ovandu ovengi mu ve ha hungire ouatjiri. Ouwa waye mbu za mokukara nouatjiri moviṋa avihe?

1. Epu enanḓengu ndi matu sokukarera nouatjiri ooriṋe?

Indu tji matu hungire ouatjiri ku na varwe, tu raisa kutja twa suvera Jehova nu tu nondengero ku ye. Ripura notjiṋa hi: Jehova u tjiwa oviṋa avihe mbi tu ripura nokutjita. (Ovaheberi 4:13) Indu tji twa toorora okuhungira ouatjiri, eye u muna nu iho tji mu yorokisa. Embo re ri tja: “Muhona tjinga a tonda ovandu mbe tjita ourunde, nungwari Eye u yakura ovasemba nouṱakame.”—Omiano 3:32.

2. Omomiano viṋe tjiva mu tu kara nouatjiri mehupo retu?

Jehova u vanga kutja tu ‘serekarerasane ouatjiri.’ (Sakarja 8:16, 17) Hapo ihi matji hee tjike? Indu tji matu hungire ku nomaṱunḓu wetu, imba mbu tu ungura pamwe, ovakambure ovakwetu poo imba mbe ri mounane, eṱe katu kora ovizeze poo okuyandja ondjivisiro ndji he ri yo. Ovandu mbe nouatjiri kave vaka poo okutjita varwe ovineya. (Lesa Omiano 24:28 nOvaefese 4:28.) Owo ve suta otjitjamurongo kohoromende. (Ovaroma 13:5-7) Moviṋa mbi na vyarwe, eṱe tu ‘tjita ihi tji tjiri otjisemba oruveze aruhe.’—Ovaheberi 13:18.

3. Ouwa waye mbu za mokukara nouatjiri?

Indu tji tu tjiukwa otjovandu mbe hungira ouatjiri, varwe ve kara nongamburiro mu eṱe. Tu tjita kutja varwe mombongo ve rimune kutja ve ri mondjeverero tjimuna meṱunḓu rorusuvero. Tu kara nomeritjiviro omawa womomutima. Tji tu nouatjiri wina tu yandja “ondengero komahongero waNdjambi, Omuyame wetu” nu ku tjita kutja varwe ve nanukirwe i yomerikotameneno wouatjiri.—Titus 2:10.

 KONḒONONA OUKOTO

5. Kara nouatjiri mozongaro azehe

 6. Okukara nouatjiri ku tu etera ouwa

Okukara nouatjiri mape ya aku eta omauzeu tjiva. Posi ya, ootjiṋa otjisemba tji matu sokutjita. Lesa Epsalme 34:12-16, nu okuzambo hungirira kepuriro ndi:

• Okukara nouatjiri ku ku etera vi ouwa mehupo roye?

1. Ovakupasane ve pamisa orukupo rwawo indu tji mave karasana nouatjiri

2. Ovaungure mbe nouatjiri ve tjita kutja ovahona vawo ve kare nongamburiro mu wo

3. Ovature vehi mbe nouatjiri ve kara nena ewa ku novandu mbe ri mouhonapare

 OKUYARUKIRA PO OUSUPI

Jehova u vanga kutja omapanga we ye kare nouatjiri mu avihe mbi mave hungire nokutjita.

Okurizemburukisa

• Omomiano viṋe tjiva mu matu yenene okukara nouatjiri?

• Ongwaye tje ri ouyova okuripura kutja matu yenene okuhoreka ouatjiri?

• Ongwaye tji mo vanga okukara nouatjiri mozongaro azehe?