EHONGWA 25
Hapo ondando ya Mukuru ku eṱe oyatjike?
Ombeibela i tja ovandu ve “hupa oruveze orusupi ndu nozongondjero ozengi.” (Job 14:1) Hapo ehupo ndi Mukuru onde vanga kutja tu hupe? Ndoovazu kape ri nao, ondando ye ku eṱe oyaye? Hapo ondando ye mai yenenisiwa? Tara komaziriro wOmbeibela omahuhumiṋe.
1. Jehova u vanga kutja tu kare nehupo ndi ri vi?
Jehova u vanga kutja tu kare nehupo esembasemba. Indu tja mema ovandu ovatenga, ooAdam na Eva, eye we ve pa omaturiro omawa, otjikunino tja Eden. Okuzambo “Ndjambi we ve sera ondaya na tja ku wo: ‘Kwatasaneye, takavareye nu mu urise ehi, noro ngari kare kehi yeṋu.’” (Genesis 1:28) Jehova aa vanga kutja owo ve kare novanatje, ve tjite kutja ehi ri rire oparadisa, nokutjevera ovipuka. Eye aa vanga kutja ovandu avehe ve kare nouveruke ouwa nokuhupa nga aruhe.
Nu nandarire kutja kape karere nao, a ondando ya Mukuru ngamba kai ya runduruka. (Jesaja 46:10, 11) Eye ngamba u vanga kutja ovandu mbe nonḓuviro ve kahupe nga aruhe mouye ouwa.—Lesa Omavandururiro 21:3, 4.
2. Matu yenene vi okukara nehupo ewa nai?
Jehova we tu mema nouhepe wokuhongorerwa po i Ye. Ku nao, tu kara nonḓero okumutjiwa nokuvanga okumukarera. (Lesa Mateus 4:4; 5:3-6.) Eye u vanga kutja tu kare noupanga wopopezu ku na ye, okukayenda ‘mozondjira ze, okumusuvera nokumukarera nomutima wetu auhe.’ (Deuteronomium 10:12; Epsalme 25:14) Indu tji twa tjiti nao, matu yenene okukara nondjoroka nandarire kutja tu nomauzeu omengi. Indu tji matu karere Jehova, tu kara nehupo ewa mena rokutja tu hupa momuano eye mbwe vanga.
KONḒONONA OUKOTO
Rihonga ohunga norusuvero orunene Jehova ndwa raisa indu tjaa rongerisa ehi kovandu, nokutja Embo re ri tu honga ye ohunga nondando ye.
3. Jehova u vanga kutja ovandu ve kare nehupo ewa
Nyanda OKAVIDIO, nu okuzambo hungirira kepuriro ndi mari kongorere mba.
-
Omena raye Mukuru tja mema ehi?
Lesa Omuzuvarise 3:11, nu okuzambo hungirira kepuriro ndi:
-
Otjiṋa hi matji ku hongo tjike ohunga na Jehova?
4. Ondando ya Jehova ngamba kai ya runduruka
Lesa Epsalme 37:11, 29 na Jesaja 55:11, nu okuzambo hungirira kepuriro ndi:
-
Hapo matu tjiwa vi kutja ondando ya Jehova kovandu kai ya runduruka?
Ondjuwo ndji ri mongaro ombi i yenena okuṱunwa. Momuano otjingewo, Mukuru ma kaṱuna ehi nda nyonwa i yovandu kutja ri turwe i yovandu mbe mu suvera
5. Okukarera Jehova ku tjita kutja tu kare nehupo ewa
Okutjiwa ondando yehupo, ku tu etera ondjoroka. Nyanda OKAVIDIO, nu okuzambo hungirira kepuriro ndi mari kongorere mba.
-
Terumi wa muna ouwa waye mokurihonga ondando yehupo?
Lesa Omuzuvarise 12:13, nu okuzambo hungirira kepuriro ndi:
-
Mena rokutja Jehova we tu tjitira oviṋa ovingi, omomuano uṋe mu matu yenene okuraisa kutja tu nondangi ku ye?
OMUNDU MAPE YA A PURA KUTJA: “Ondando yokuhupa oyaye?”
-
Ove otjo zira vi?
OKUYARUKIRA PO OUSUPI
Jehova u vanga kutja tu yorokere ehupo esemba kombanda yehi nga aruhe. Indu tji matu mu karere nomitima vyetu avihe, tu kara nehupo ewa, nandarire nai.
Okurizemburukisa
-
Ondando ya Jehova ku Adam na Eva ya ri oyaye?
-
Matu tjiwa vi kutja ondando ya Mukuru kovandu kai ya runduruka?
-
Omomuano uṋe mu mo yenene okukara nehupo ewa?
RIHONGA OVINGI
Tara koviṋa mbi mavi raisa kutja otjikunino tja Eden tjiri oku tja ri.
“Hapo otjikunino tja Eden tjiri oku tja ri?” (Oruhungu, 1 ku Januari, 2011)
Tara kutja ongwaye tji matu yenene okukara nongamburiro kutja ehi mari karerere nga aruhe.
Tara kutja Ombeibela i tja vi ohunga nondando yokuhupa.
Tara kutja omurumendu ngwaa munu kutja u noviṋa avihe, aa hepa ye mehupo re.
a Mehongwa ndi mari kongorere ko, matu kerihonga kutja ongwaye tji tu hi nehupo ewa ndino.
Mo yenene okutara ku imbi wina
OMAPURIRO NGE PURWA i yovandu OVENGI
Ovahongonone va Jehova ve yandja omerihongero wOmbeibela momuano uṋe?
Ove mo yenene okuungurisa Ombeibela ngamwa aihe indu tji mo rihongo Ombeibela otjari pu nOvahongonone va Jehova. Mo yenene okuṋanga eṱunḓu roye arihe poo omapanga woye okukara pomerihongero woye wOmbeibela.
