EHONGWA 20
Ombongo i kayendisiwa vi?
Jehova oMukuru wouhirona. (1 Ovakorinte 14:33) Ku nao, tu undjira ko kutja ovakarere ve mave kayendisa oviṋa mouhirona. Ombongo yOvakriste i kayendisiwa momuano uṋe? Omomuano uṋe mu matu yenene okuyandja oruvara?
1. Ouṋe ngu ri otjiuru tjombongo?
‘Kristus otjiuru tjombongo.’ (Ovaefese 5:23) Okuza meyuru, eye u hongorera po oviungura vyovakarere va Jehova mouye auhe. Jesus wa zika “omukarere omuṱakame nomunazondunge.” Omukarere omuṱakame ngwi, okambumba okaṱiṱi kovandu mbe nondjiviro, nowo wina ve tjiukwa otja Orutu Orunane. (Lesa Mateus 24:45-47.) Tjimuna ovaapostele veserewondo etenga novanene vombongo moJerusalem, Orutu Orunane ru yandja omuhunga kozombongo mouye auhe. (Oviungura 15:2) Posi yokutja, ovarumendu mba kavanane votjira tjetu. Owo ve lesa Ombeibela okurihonga oviṋa Jehova mbi ma vanga kutja ve tjite, nu owo ve riyandjera okuhongorerwa po i Jesus.
2. Ovanene vombongo oouṋe nu ve ungura tjike mombongo?
Ovanene vombongo ovarumendu Ovakriste mba raisa ouṱakame oure wozombura ozengi. Owo ve honga ovakarere va Mukuru okuza mOmbeibela nokuvevatera nokuvetunduuza. Owo kave sutwa, nu wina ‘kave ungura motjimbe tjovimariva, nungwari ve kara nonḓero aihe motjiungura tjaNdjambi.’ (1 Petrus 5:1, 2) Ovanene vombongo ve vaterwa i yovavatere vombongo, nu oruveze tji maru kayenda ovavatere vombongo ve yenena okurira ovanene vombongo.
Orutu Orunane ru zika ovanene vombongo tjiva okurira ovatarere mbe varura ozombongo. Owo ve varura ozombongo pekepeke okuyandja omuhunga nokuvetunduuza. Ovatarere mbe varura ozombongo ve ungurisa oviundjirwako mbi ri mOmbeibela okutya kutja oouṋe mba pu okuzikwa otjovavatere poo ovanene vombongo.—1 Timoteus 3:1-10, 12; Titus 1:5-9.
3. Omerizirira waye omuhongonone auhe nge na wo?
Auhe mombongo u ‘tanga ena raMuhona,’ mokukara norupa pozombongarero zombongo nokuzuvarisa otja pu mave yenene.—Lesa Epsalme 148:12, 13.
KONḒONONA OUKOTO
Rihonga kutja Jesus omunane ngu ri vi, nomuano ovanene vombongo mu ve kondja okuhorera kotjihorera tje, nokutja eṱe matu yenene vi okukara nonḓuviro ku Jesus na kovanene vombongo.
4. Jesus omunane omuwa
Jesus we tu pa omaṋangero omawa. Lesa Mateus 11:28-30, nu okuzambo hungirira kepuriro ndi:
-
Jesus u vanga kutja tu kare noumune uṋe ohunga nomananeno we?
Omomuano uṋe ovanene vombongo mu ve horera kotjihorera tja Jesus? Nyanda OKAVIDIO.
Ombeibela i honga omuano ovanene vombongo mu ve sokuungura oviungura vyawo.
Lesa Jesaja 32:2 na 1 Petrus 5:1-3, nu u hungirire komapuriro nga:
-
Ove u noumune uṋe okutjiwa kutja ovanene vombongo ve kondja okuhorera ku Jesus nokuyanḓiparisa varwe?
-
Omomiano viṋe vyarwe ovanene vombongo mu ve horera ku Jesus?
5. Ovanene vombongo ve honga mokuraisa otjihorera otjiwa
Hapo Jesus u vanga kutja ovanene vombongo ve kare noumune uṋe ohunga nomerizirira wawo? Nyanda OKAVIDIO.
Jesus wa twa po otjihorera ku imba mbe hongorera po ombongo. Lesa Mateus 23:8-12, nu okuzambo hungirira kepuriro ndi:
-
Ovikwaye mbi ku tjatera ohunga nombangu ndji ri pokati koviṋa Ombeibela mbi i hungira ohunga novanene vombongo noviṋa mbi wa muna okuza kovanane vozongamburiro?
-
Ovanene vombongo ve kara noupanga ouwa ku na Jehova nu ve vatera omaṱunḓu wawo okutjita nao
-
Ovanene vombongo ve rikendera kovandu avehe mombongo
-
Ovanene vombongo ve zuvarisa aruhe
-
Ovanene vombongo ve honga varwe. Owo wina ve kara norupa momakohororero noviṋa vyarwe
6. Matu yenene okuungura ku novanene vombongo
Ombeibela i tu pa epu enanḓengu rokutja ongwaye tji twa sokuungura ku novanene vombongo. Lesa Ovaheberi 13:17, nu okuzambo hungirira komapuriro nga:
-
Ongwaye Ombeibela tji i tja matu sokukara nonḓuviro nokuriwisa kehi ya imba mbe tu hongorera po? Ove u noumune uṋe ohunga notjiṋa hi?
Lesa Lukas 16:10, nu okuzambo hungirira kepuriro ndi:
-
Ongwaye tji matu sokukara nonḓuviro kovanene vombongo nandarire moviṋa oviṱiṱi?
OVANDU TJIVA VE TJA: “Ko nokuhepa okurira okaṋepo kongamburiro kaaṋi.”
-
Hapo ongwaye tje ri otjiṋa otjiwa komundu okurikotamena ku Mukuru otjorupa rwombongo?
OKUYARUKIRA PO OUSUPI
Jesus otjiuru tjombongo. Eṱe tu nondjoroka okuungura ku novanene vombongo, mena rokutja owo ve tu yanḓiparisa nokutuhonga novihorera vyawo.
Okurizemburukisa
-
Ouṋe ngu ri otjiuru tjombongo?
-
Omomuano uṋe ovanene vombongo mu ve vatera ombongo?
-
Ovakarere va Jehova avehe mombongo ve nomerizirira waye?
RIHONGA OVINGI
Tara komuano Orutu Orunane novanene vombongo mu ve rikendera tjinene kOvakriste ndino.
Okuyanḓiparisa ovakambure indu oviungura vyetu tji vya tjaerwa (4:22)
Rihonga ohunga noviungura ovatarere mbe varura ozombongo mbi ve ungura.
Ehupo romutarere worukondwa ngu varura ourongo ouṱiṱi (4:51)
Lesa ohunga nomerizirira omananḓengu ovakazendu ngu ve na wo mombongo.
“Hapo Ovahongonone va Jehova ve novakazendu mbe honga mombongo?” (Oruhungu, 1 ku Septemba, 2012)
Tara komuano ovanene vombongo mu ve ungura oukukutu okutunduuza ovakambure ovakwao.
“Ovanene vombongo ‘Ovaungure vapamwe venyando retu’” (Oruhungu, 15 ku Januari, 2013)
Mo yenene okutara ku imbi wina
OMAPURIRO NGE PURWA i yovandu OVENGI
Ovahongonone va Jehova ve yandja omerihongero wOmbeibela momuano uṋe?
Ove mo yenene okuungurisa Ombeibela ngamwa aihe indu tji mo rihongo Ombeibela otjari pu nOvahongonone va Jehova. Mo yenene okuṋanga eṱunḓu roye arihe poo omapanga woye okukara pomerihongero woye wOmbeibela.
