OKUUTA EHUNGI
EHONGWA 4
Omerisusuparisiro
Omurari: “Zarasaneye nomerisusuparisiro, aruhe ovakweṋu amamu ve vara otja ovanene pu eṋe.” —Fil. 2:3.
Oviṋa Paulus mbya tjita
1. Tarera OKAVIDIO, poo lesa Oviungura 26:2, 3. Okuzambo tara komapuriro ngu maye kongorere mba:
-
Omomuano uṋe Paulus ma raisa omerisusuparisiro momuano mbwa hungire ku nOmbara Agripa?
-
Omomuano uṋe Paulus ma yandja ombango ku Jehova nOmatjangwa, pendje nokuyandja ombango ku ye omuini?—Tara kOviungura 26:22.
Matu rihongere ko ye okuza ku Paulus?
2. Ombuze yetu i nana ombango yovandu tjinene indu tji matu i yandja momuano wondengero nokurisusuparisa.
Horera ku Paulus
3. Hungira momuano wondengero. Nakaura oumune wokutja ove mo tjiwa oviṋa avihe nu omundu warwe ke notjiṋa tji ma tjiwa.
4. Tjita kutja imbi mbi mo hongo mavi zu mOmbeibela. Embo ra Mukuru ri ṱuna komitima vyovandu. Indu tji matu ri ungurisa, tu kurisa ongamburiro yawo mu Jehova.
5. Rira ongozu. O kondjo okuraisa kutja ove u ri osemba. Eṱe katu vanga okukara nozombata. Raisa omerisusuparisiro mokukara noupore nu tjiwa kutja oruṋe tji mo sokuza po. (Omiano 17:14; Tit. 3:2) Indu tji mo hungire noupore mape ya omundu a puratene kombuze yetu otjikando tjarwe.
