UNGURA OUKUKUTU MOTJIUNGURA TJOKUZUVARISA | KURISA ONDJOROKA YOYE MOTJIUNGURA TJOKUZUVARISA
Vatera ovahongwa vOmbeibela okulesa nokukonḓonona oviṋa mbi mavi kurisa ongamburiro yawo
Ovahongwa vetu vOmbeibela kave sokutjiwa ouatjiri vOmbeibela uriri nungwari matu yenene okuvevatera okutjiwa Jehova nokukurisa ongamburiro yawo. (Mat 5:3; Hebr 5:12–6:2) Nungwari mave sokulesa nokukonḓonona oviṋa mbi mavi kurisa ongamburiro yawo oveni.
Tunduuza ovahongwa voye vOmbeibela okuza komautiro okurirongerisa komerihongero wawo. (mwb18.03 6) Ve raera kutja mave sokukumba komurungu yokutjita omakonḓononeno wawo oveni wOmbeibela. Nu ve vatera okuungurisa oviṋa vyomakonḓononeno mbi ri morungovi. Nokuveraera kutja mave yenene vi okumuna oviṋa ovipe mbi ri mo jw.org no JW Broadcasting®. Kouṱiṱiṱiṱi ve honga okulesa Ombeibela yawo eyuva arihe, okurirongerisa kozombongarero zombongo nokupaha omaziriro komapuriro wawo. Nu ve vatera okuripurira oukoto koviṋa mbi mave rihongo.
TARERA OKAVIDIO NGA VATERA OVAHONGWA VOMBEIBELA OKULESA NOKUKONḒONONA OVIṊA MBI MAVI KURISA ONGAMBURIRO YAWO, OKUZAMBO U ZIRE OMAPURIRO NGA:
-
Neeta wa vatera vi Jade okumuna kutja okurihonga Ombeibela ku kamburira mo ovingi pendje nokutjiwa omaziriro uriri?
-
Otjikwaye tji tja vatera Jade okumuna kutja Jehova u ri nawa indu tja tjaera oruvakiro?
-
Honga ovahongwa woye ounanḓengu wokukara nondjiviro nokutja mave sokuiṱakamisa vi
Pe ya vi Jade ma ute okumuna kutja okuripura oukoto otjiṋa otjinahepero?
