Tu hupa mouye mbu u vanga kutja tu mune kutja oviṋa oviwa ovivi, nokutja ovivi oviwa. (Jes 5:20) Ouhumandu, ovandu tjiva ve tjita oviṋa Jehova mbya tonda, tjimuna omeritjindiro omavi pokati komurumendu nomurumendu poo omukazendu nomukazendu. Ovanatje varwe koskole mape ya ave ṋiṋingiza ovanatje vetu okuhorera ku wo. Omomuano uṋe mu mo rongerisa ovanatje voye kokutja ve yenene okutuurunga oṋiṋingize aihe nondoṋeno?

Honga ovanatje woye omirari vya Jehova. (Lev 18:3) Otja kotjiwondo tja wo, ve raera oviṋa mbi mave hepa okutjiwa nu mbi mave yenene okuzuva nawa kutja Ombeibela i tja vi ohunga nomahakaeneno womoyama. (Deut 6:7) Ripura omuini: ‘Hapo mba honga ovanatje vandje ohunga nomuano omusemba wokuraisa orusuvero, ounanḓengu wokurihwikika ouhirona, nounahepero wokuhina okuyandjera varwe okuveṱuna momunao mbu he ri omusemba? Hapo ovanatje vandje mave tjiwa kutja mave sokutjita vi indu tji va raisirwa oviperendero vyakamuzu poo tji va ningirwa okutjita otjiṋa Jehova tja tonda?’ Okuvehonga komurungu woruveze maku vevatere kutja ave ha hiti moumba. (Omiano 27:12; Omuzuv 7:12) Mokuhonga ovanatje woye u raisa orusuvero kotjiyandjewa tji wa pewa i Jehova.—Eps 127:3.

TARERA OKAVIDIO NGA TUNGA ONDJUWO YONḒARO ORURE—TJEVERA OVANATJE VOYE ‘KOZONDJITO AZEHE OZOMBI,’ NU OKUZAMBO ZIRA OMAPURIRO NGA:

• Ongwaye ovanene tjiva tji ve tira okuhungira ku novanatje vawo ohunga nomahakaeneno womonyama?

• Ongwaye ovanene tji ve sokuhonga ovanatje vawo “nokuvevyura nokuveronga otja Muhona pe vanga”?—Ef 6:4

• Otjira tja Jehova tja yandja ovikeṋa kovanene mbi mavi ve vatere okuhonga ovanatje vawo ohunga nomahakaeneno womonyama?—w19.05 12, okaongo

• Omena ratjike tji mo sokuhungira ku novanatje woye aruhe ngunda ave ha muna ouzeu?