Ombepo yaJesaja yomeriyandjerero otjihorera otjiwa ku eṱe. Eye wa raisa ongamburiro na hakahana okuyakura otjiungura, nandarire kutja kaa tjiwa ovingi ohunga na tjo. (Jes 6:8) Mo yenene okurundurura ongaro yoye yehupo kutja u kavatere koṋa ku ku nouhepe wovazuvarise? (Eps 110:3) Otjiperi kutja otjiṋa otjinanḓengu tjinene ‘okusasaneka kutja ovimariva vingapi mbi mo hepa,’ kutja u yenene okutjita nao. (Luk 14:27, 28) Nungwari, rira omupupu okutjita ozongondjero azehe mena rotjiungura tjokuzuvarisa. (Mat 8:20; Mar 10:28-30) Otja tji pa raisiwa mokavidio nga Okutjindira koṋa ku ku nouhepe wovazuvarise, ozondaya nḓu tu muna motjiungura tjaJehova ozombwa okukapita ozongondjero ngamwa nḓu tu tjita.

• Ozongondjero zeṋe omundu auhe meṱunḓu raWilliams nḓa tjita kutja ve kavatere koEcuador?

• Ovikwaye mbi ve ripurira ko indu tjaave tara kutja mave kavatera pi?

• Ozondaya zaye nḓu va muna?

• Ondjiviro yokomurungu ohunga nokukavatera koṋa ku ku nouhepe wovazuvarise mo i vaza pi?

• Omomuano uṋe mu matu yenene okuungura ovingi motjiungura tjokuzuvarisa otjeṱunḓu? (km-E 8/11 4-6)

• Indu tji tu hina okuyenena okukavatera koṋa ku ku nouhepe wovazuvarise, omomiano viṋe mu matu yenene okuvatera mombongo yetu? (w16.03-E 23-25)